Tuber borchii
| Tuber borchii | |
|---|---|
 | |
| Sailkapen zientifikoa | |
| Erreinua | Fungi |
| Filuma | Ascomycota |
| Klasea | Pezizomycetes |
| Ordena | Pezizales |
| Familia | Tuberaceae |
| Generoa | Tuber |
| Espeziea | Tuber borchii Vittad., 1831 |
Tuber borchii Tuberaceae familiako onddo espezie bat da.[1] Jangarri ona, nahiz eta boilur hau inoiz ez den izan estimatua, bere tamaina txikiagatik, kontserbatan erabiltzen da, pateetan, edo boilurdun gaztan bezala. Jatetxe batzuek hornigai gisa erabiltzen dute.
Sinonimoak: Tuber album, Tuber albidum, Tuber mixtum, Rhizopogon borchii, Tuber elegans.
Deskribapena
Karpoforoa: 2 eta 4 cm bitartekoa (txitxirioaren eta arrautzaren tartekoa), tuberkulu txiki baten itxurakoa, globo itxurako-oboidea. Gainazal leuneko peridioa, glebatik bereiz ezina, zirrikituetan tomentuduna, konkor irregularrekin, Zurixkatik hori zurbilera biratuz, okre ilunera edo marroi-gorrixkara.
Haragia: Gogorra eta trinkoa, zuritik arre-txokolate kolorera edo okre antzekora biratzen, zain zuri-krema koloreko jaspeztatuarekin. Usain bizia.[2]
Etimologia: Tuber terminoa “tuber” “tubero” hitzetatik dator, boilurraren izena Plinio eta beste autore batzuentzat. Borchii epitetoa De Borch mikologoaren omenez du
Jangarritasuna
Jangarri ona.[3]
Nahasketa arriskua
Tuber maculatum eta Tuber puberulum boilurrak ere zuriak dira. Tuber magnatum askoz handiagoa da, horixka, eta udazkenean eta negu hasieran hazten da.
Sasoia eta lekua
Urtarrila-Apirila. Habitat ezberdinetara egokitzen da: hareatsua batez ere, baina baita buztintsua, karetsua, azidoa ere. Nahiko sakoneran hipogeo hazten da. (Baita hazkuntza artifizialean ere), koniferoen azpian (Pinaster pinua, zedroa) eta hostozabaletan (artelatza, artea, haritza, erkametza, makala, hurritza, gaztainondoa, haltza , ezkia) untxiek zulo sakonak egiten dituzte perretxikoaren bila.
Banaketa eremua
Kanada, Ameriketako Estatu Batuak, Kolonbia, Europa, Kaukasia, Iran, Turkia, Japonia, Australia, Zeelanda Berria.[4]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Calvo Pérez Javi. (2006). El mundo de las setas. Asociacion Micológica Fungipedia.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Tuber borchii: GBIF—the Global Biodiversity Information Facility.
Kanpo estekak
Datuak: Q3915198
Multimedia: Tuber borchii / Q3915198
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
