O dram armenio (armenio: Դրամ) é a moeda de Armenia. Divídese en 100 luma (լումա). Foi introducido en 1993 para substituír o rublo ruso, ao cambio de 1 dram = 200 rublos. O código ISO-4217 para o dram é AMD. A palabra dram en armenio provén do grego "dracma" (δραχμή).

As primeiras moedas de prata ás que se denominou "dram" pertencen ao período abranguido entre 1199 e 1375.

Posteriormente circulou na República Democrática de Armenia e na República Socialista Soviética de Armenia o rublo armenio (ռուբլի), entre 1919 e 1923. Esta moeda substituíu o rublo transcaucásico e foi substituído de novo cando Armenia entrou a formar parte da República Federal Socialista Soviética de Transcaucasia, xunto a Xeorxia e Azerbaidján.

Os billetes emitidos pola República Democrática tiñan valores de 5.000 e 10.000 rublos, moitos deles escritos en alfabeto cirílico. Con todo, as denominacións de 50, 100 e 250 rublos impresos no Reino Unido aparecían en armenio. Os billetes emitidos pola RSS de Armenia tiñan denominacións entre 5.000 e 5.000.000 de rublos, nos que aparecían textos escritos en armenio e ruso conxuntamente con símbolos comunistas.

O 21 de setembro de 1991 Armenia independizouse da Unión Soviética, e o 27 de marzo de 1993 creouse o Banco Central de Armenia durante o goberno de Isahak Isahakyan. Con todo, os antigos billetes coa denominación de rublos seguiron a ser de curso legal ata novembro de 1993. A nova moeda entraría en circulación o 22 de novembro de 1993. Imprimíronse billetes de 10, 25, 50, 100, 200 e 500 dram, e en xaneiro de 1994 o Banco Central comezaría coa emisión de moedas de 10, 20 e 50 luma, e 1, 3, 5 e 10 dram. Os billetes de 1.000 e 5.000 dram emitíronse entre 1994 e 1995. Máis tarde emitiríase un billete de 20.000 dram e outro de 50.000, para conmemorar a adopción do cristianismo en Armenia.

O dram foi posto en circulación tres anos máis tarde da independencia de Armenia. En 1994 púxose en circulación a primeira serie de moedas que contaba con estes valores: 10 luma, 20 luma e 50 luma, e 1 dram, 3 dram, 5 dram e 10 dram. Todas as moedas da primeira serie eran de aluminio. En 2003, logo de que o territorio de Artsakh se separase de Azerbaidján, introduciuse unha serie nova, que é a que circula na actualidade.

As primeiras moedas, que circularvon desde 1993 ata 2004 foron:

Denominación	Emisión	Metal	Diámetro (mm)	Peso (g)	Canto	Anverso	Reverso	Imaxe
10 luma	1994	Ao	16,00	0,59	Liso	Escudo de armas ՀԱՅԱՍՏԱՆ	10 ԼՈՒՄԱ Ano de emisión
20 luma	1994	Ao	18,00	0,75	Liso	Escudo de armas ՀԱՅԱՍՏԱՆ	20 ԼՈՒՄԱ Ano de emisión
50 luma	1994	Ao	20,00	0,93	Liso	Escudo de armas ՀԱՅԱՍՏԱՆ	50 ԼՈՒՄԱ Ano de emisión
1 dram	1994	Ao	22,00	1,39	Estriado	Escudo de armas ՀԱՅԱՍՏԱՆ	1 ԴՐԱՄ Pólas de loureiro Ano de emisión
3 dram	1994	Ao	24,00	1,63	Estriado	Escudo de armas ՀԱՅԱՍՏԱՆ	3 ԴՐԱՄ Pólas de loureiro Ano de emisión
5 dram	1994	Ao	26,00	1,98	Estriado	Escudo de armas ՀԱՅԱՍՏԱՆ	5 ԴՐԱՄ Pólas de loureiro Ano de emisión
10 dram	1994	Ao	28,00	2,30	Estriado	Escudo de armas ՀԱՅԱՍՏԱՆ	10 ԴՐԱՄ Pólas de loureiro Ano de emisión

As moedas actualmente en circulación posúen as seguintes características:

Denominación	Circula desde	Metal		Diámetro (mm)	Peso (g)	Canto	Anverso	Reverso	Imaxe
		Aro	Centro
10 dram	2004	Al		20,00	1,30	Estriado	Escudo de armas ՏԱՍԸ ԴՐԱՄՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ Ano de emisión	10 ԴՐԱՄ
20 dram	2003	Aceiro + Cu		20,50	2,75	Liso	Escudo de armas ՔՍԱԼ ՂՐԱՄՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ Ano de emisión	20 ԴՐԱՄ
50 dram	2003	Aceiro + latón		21,50	3,50	Liso	Escudo de armas ՀԻՍՈՒՆ ԴՐԱՄՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ Ano de emisión	50 ԴՐԱՄ
100 dram	2003	Aceiro + Ni		22,50	4,00	Estriado	Escudo de armas ՀԱՐՅՈՒՐ ԴՐԱՄՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ Ano de emisión	100 ԴՐԱՄ
200 dram	2003	Cu + Ni + Zn		24,00	4,50	Estriado	Escudo de armas ԵՐԿՈՒ ՀԱՐՅՈՒՐ ԴՐԱՄՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ Ano de emisión	200 ԴՐԱՄ
500 dram	2003	Cu  + Ni  +Zn	Cu + Ni	22,00	5,00	Estriado descontinuo	Escudo de armas ՀԻՆԳ ՀԱՐՅՈՒՐ ԴՐԱՄՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ Ano de emisión	500 ԴՐԱՄ

Esta primeira serie de billetes circulou desde a caída da URSS ata o ano 2005.

Anverso	Reverso	Valor	Cor	Dimensións	Anverso	Reverso
		10 dram	Marrón e púrpura	125 x 62 mm	Estación de trens de Ereván. Estatua de David Sassoon	Monte Ararat
		25 dram	Amarelo e marrón	125 x 62 mm	Táboa cuneiforme de Urartu. León do castelo de Erebuni	Ornamentos
		50 dram	Azul e vermello	125 x 62 mm	Galería nacional de Armenia. Museo Nacional de Historia	Parlamento armenio
		50 dram	Rosa e violeta	122 x 65 mm	Aram Jachaturian	Escena do ballet Gayane. Monte Ararat
		100 dram	Azul e púrpura	135 x 65 mm	Monte Ararat. Catedral de Zvartnots	Teatro da Ópera de Armenia
		100 dram	Azul	122 x 65 mm	Víktor Ambartsumian	Observatorio Byurakan
		200 dram	Amarelo e violeta	135 x 65 mm	Catedral de Etchmiadzin	Ornamentos
		500 dram	Verde e marrón	135 x 65 mm	Monte Ararat. Tetradracma de Tigranes II o Grande	Ornamentos
		1.000 dram	Marrón e laranxa	145 x 68 mm	Estatua de Mesrob. Mashtots Matenadaran	Monumento na cidade medieval de Ani
		5.000 dram	Verde, amarelo e púrpura	145 x 71 mm	Templo de Garni	Cabeza da deusa Anahit

Actualmente, os billetes en circulación son os de 500, 1.000, 2.000, 5.000, 10.000, 20.000, 50.000 e 100.000 dram.

Anverso	Reverso	Valor	Cor	Dimensións	Anverso	Reverso
		500 dram	Gris	129 x 72 mm	Alexander Tamanian	Casa do Goberno en Ereván
		1.000 dram	Verde	136 x 72 mm	Yeghishe Charents	Cidade antiga de Ereván
		5.000 dram	Amarelo e verde	143 x 72 mm	Hovhannes Tumanyan	Paisaxe de Lorridel. Pintor Martiros Saryan
		10.000 dram	Violeta	150 x 72 mm	Avetik Isahakyan	Antiga cidade de Gyumri
		20.000 dram	Amarelo e vermello	151 x 72 mm	Martiros Saryan	Armenia de Martiros Saryan
		50.000 dram	Marrón e vermello	160 x 79 mm	Catedral de Echmiadzin	Gregorio I o Iluminador e Tiridates III de Armenia sostendo a Igrexa armenia. Jachkar do Mosteiro Kecharis
		100.000 dram	Azul e violeta	160 x 72 mm	Abgaro V de Edesa	Tadeo de Edesa

Wikimedia Commons ten máis contidos multimedia na categoría:  Dram armenio

• Rublo armenio
• Rublo soviético
• Dram de Artsakh
• Economía de Armenia

• Moedas de Armenia Arquivado 24 de marzo de 2016 en Wayback Machine.
• Don's World Coin Gallery
• Banco Central de Armenia
• Coins of former Soviet republics^{[Ligazón morta][Ligazón morta]}
• Billetes de Armenia (en inglés) (en alemán)