Հաստատուն հոսանք, ժամանակի ընթացքում ըստ ուժի և ուղղության չփոփոխվող էլեկտրական հոսանք։ Առաջանում է հաստատուն լարման ազդեցությամբ և կարող է գոյատևել միայն փակ շղթայում։ Հաստատուն հոսանքի հիմնական օրենքներն են Օհմի օրենքը և Ջոուլ-Լենցի օրենքը, ճյուղավորվող շղթաներում՝ Կիրխհոֆի կանոնները։ Հաստատուն հոսանքի աղբյուրներից են գալվանական էլեմենտը, ջերմաէլեմենտը, ֆոտոէլեմենտը, Տ. հոսանքի գեներատորը և այլն։ Ստացվում է նաև փոփոխական հոսանքի ուղղումով։ Կիրառվում է էլեկտրամետալուրգիայում, էլեկտրաշարժիչներում, կապի, ավտոմատիկայի, հեռուստամեխանիկայի սարքերում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 255)։
