საქართველოს შინაგანი ჯარები

საქართველოს შინაგანი ჯარები
საქართველოს შინაგანი ჯარები
	;
აქტიური	1991-2004
ქვეყანა	საქართველო
რაოდენობა	5000–7000 ჯარისკაცი (1995 წლის ბოლოსათვის)
ალიანსი	შინაგან საქმეთა სამინისტრო
ბრძოლები	ქართულ-ოსური კონფლიქტი 1991-1992 წლების ომი; შეტაკებები ცხინვალის რეგიონში (2004); აჭარის კრიზისი აფხაზეთის ომი; პანკისის ხეობის კრიზისი

საქართველოს შინაგანი ჯარები — ჟანდარმერიის მსგავსი გასამხედროებული დაჯგუფება საქართველოში 1991 წლიდან 2004 წლამდე. იგი ექვემდებარებოდა შინაგან საქმეთა სამინისტროს.

ისტორია

საქართველოს შინაგანი ჯარები შეიქმნა 1991 წლის 12 სექტემბერს, საბჭოთა კავშირისგან ქვეყნის დამოუკიდებლობის გამოცხადებიდან ხუთი თვის შემდეგ. ის იყო საბჭოთა კავშირის შინაგანი ჯარების მემკვიდრე. მათ დაევალათ დახმარებოდნენ შინაგან საქმეთა სამინისტროს უსაფრთხოების ზომების მიღებაში, ორგანიზებულ დანაშაულთან, ტერორიზმთან და დივერსიასთან ბრძოლაში, ასევე დამოუკიდებლად ან სხვა სამართალდამცავ უწყებებთან ერთად მნიშვნელოვანი ობიექტებისა და სპეციალური ტვირთების დაცვაში; მონაწილეობა მიეღოთ ქვეყნის დაცვაში ომის დროს. შინაგანი ჯარები ძირითადად გაწვევის გზით იყო დაკომპლექტებული, მაგრამ ასევე ნაწილობრივ კონტრაქტის საფუძველზეც.^[1]

საქართველოში შინაგანი ჯარები სხვადასხვა კონფლიქტსა და ოპერაციაში მონაწილეობდნენ პოსტსაბჭოთა არეულობების დროს, მათ შორის ცხინვალის რეგიონში (1991–1992, 2004), აფხაზეთში (1992–1993) და პანკისის ხეობაში (2001–2003). 1995 წლის ბოლოსათვის შინაგან ჯარებს ჰყავდა 5000-დან 7000-მდე ჯარისკაცი, რაც მას აქცევდა სიდიდით მესამე სამხედრო დაჯგუფებას საქართველოში, იმ დროს ქვეყანაში დისლოცირებული რუსული ჯარებისა და საქართველოს შეიარაღებული ძალების შემდეგ. შინაგანი ჯარები მოიცავდნენ საპატრულო ქვედანაყოფებს, ციხეების დაცვის სპეციალურ ქვედანაყოფს, 1-ელ ოპერატიულ მოტომსროლელ ბრიგადას თბილისში, მე-2 ოპერატიულ მოტომსროლელ ბრიგადას ქუთაისში, ბათუმის ცალკეულ ბატალიონს და ვერტმფრენის ქვედანაყოფს მინიმუმ 2 მი-8-ით. მათ ჰქონდათ მინიმუმ 10 მძიმე და მსუბუქი ტანკი და ტანკსაწინააღმდეგო იარაღი. 1997 წლის ოფიციალურმა ბიუჯეტმა შეადგინა 5312 ლარი; თანამდებობის პირების ხელფასები დაბალი იყო და კორუფციის შესახებ ცნობები ფართოდ იყო გავრცელებული.^[2]

ვარდების რევოლუციის შემდგომ საქართველოს სამხედრო და უშიშროების ძალებში რეფორმების ფარგლებში, 2004 წლის ნოემბერში გაუქმდა შინაგანი ჯარები და მთელი მისი საბრძოლო მასალა და ინფრასტრუქტურა გადაეცა თავდაცვის სამინისტროს. შინაგანი ჯარების პერსონალის დიდმა ნაწილმა ჩამოაყალიბა საქართველოს სახმელეთო ჯარების მე-4 ქვეითი ბრიგადა.^[3]^[4]^[5]

მეთაურები

ჯონდო ტაბატაძე, პოლკოვნიკი, საქართველოს შინაგანი ჯარების სამმართველოს უფროსი (1991 წ.)
ივანე ჭელიძე, პოლკოვნიკი, სარდალი (1991–1992 წწ.)
გელა ლანჩავა, გენერალ-მაიორი, სარდალი (1992–1993 წწ.)
ვლადიმერ ჩიქოვანი, გენერალ-მაიორი, სარდალი (1993–1994 წწ.)
გია თორაძე, გენერალ-მაიორი, სარდალი (1994–1995 წწ.)
პავლე ნორაკიძე, პოლკოვნიკი, მეთაურის მოვალეობის შემსრულებელი (1995–1996 წწ.)
გიორგი შერვაშიძე, გენერალ-ლეიტენანტი, სარდალი (1996–2003 წწ.)
გოგი თათუხაშვილი, გენერალ-ლეიტენანტი, სარდალი (2003–2004 წწ.)

სქოლიო

↑ Belkin, Aaron (2005) Divide-and-Conquer Politics and the Logic of International Hostility. SUNY Press, გვ. 106. ISBN 0791483789.
↑ Belkin, Aaron (2005) Divide-and-Conquer Politics and the Logic of International Hostility. SUNY Press, გვ. 106. ISBN 0791483789.
↑ Liklikadze, Koba (1 November 2004). „შინაგანი ჯარი თავდაცვის სამინისტროში გადასვლას „ვარდი 2004“-ით აღნიშნავს [Internal Troops mark transfer to Defense Ministry with Rose-2004 drills]“ (Georgian). RFE/RL. ციტირების თარიღი: 15 August 2016.
↑ „Interior Troops Abolished, Units Merged with the Defense Ministry“. Civil Georgia. 15 September 2004. დაარქივებულია ორიგინალიდან — 23 სექტემბერი 2015. ციტირების თარიღი: 15 August 2016.
↑ „Reports: National Guard Commander Resigns“. Civil Georgia. 27 January 2006. ციტირების თარიღი: 15 August 2016.

[Belkin2-1] Belkin, Aaron (2005) Divide-and-Conquer Politics and the Logic of International Hostility. SUNY Press, გვ. 106. ISBN 0791483789.

[Belkin-2] Belkin, Aaron (2005) Divide-and-Conquer Politics and the Logic of International Hostility. SUNY Press, გვ. 106. ISBN 0791483789.

[3] Liklikadze, Koba (1 November 2004). „შინაგანი ჯარი თავდაცვის სამინისტროში გადასვლას „ვარდი 2004“-ით აღნიშნავს [Internal Troops mark transfer to Defense Ministry with Rose-2004 drills]“ (Georgian). RFE/RL. ციტირების თარიღი: 15 August 2016.

[4] „Interior Troops Abolished, Units Merged with the Defense Ministry“. Civil Georgia. 15 September 2004. დაარქივებულია ორიგინალიდან — 23 სექტემბერი 2015. ციტირების თარიღი: 15 August 2016.

[5] „Reports: National Guard Commander Resigns“. Civil Georgia. 27 January 2006. ციტირების თარიღი: 15 August 2016.

[1]

[2]

[3]

[4]

[5]

საქართველოს შინაგანი ჯარები

ისტორია

მეთაურები

სქოლიო

Portal di Ensiklopedia Dunia