ფრანსისკო პისარო

ფრანსისკო პისარო
ფრანსისკო პისარო
მშობლიური სახელი	ესპ. Francisco Pizarro y González
დაბადების თარიღი	1475 წელი
გარდაცვალების თარიღი	1541 წელი
პროფესია	კონკისტადორი, ავანტიურისტი

ფრანსისკო პისარო გონსალესი (ესპ. Francisco Pizarro y González; დ. დაახლ. 1475 — გ. 1541) — ესპანელი ავანტიურისტი, კონკისტადორი, ინკების იმპერიის დამპყრობელი და ქალაქ ლიმას დამაარსებელი.

პისარო დაიბადა ქალაქ ტრუხილიოში (ესტრემადურა). დაბადების ზუსტი თარიღი უცნობია, თუმცა ტრადიციულად მას 16 მარტს აღნიშნავენ. ცნობები მის ადრეულ ბიოგრაფიაზეც არ მოიპოვება. პისარომ წერა-კითხვა არ იცოდა, შესაბამისად, შეიძლება დავასკვნათ, რომ მისი განათლებით არავინ დაკავებულა.

1502 წელს ახალი მსოფლიოს ზღაპრული სიმდიდრის ამბებით მოხიბლული პისარო სამხრეთ ამერიკაში გაემგზავრა.

1531 წელს ის უკვე მესამე ექსპედიცაიში მიდის ინკების იმპერიის დასაპყრობად. 1535 წელს მან ინკების დედაქალაქი კუსკო დაიპყრო და ქალაქი ლიმა დააარსა.

1538 წელს პისაროსა და მის თანამებრძოლ ალმაგროს შორის უთანხმოება გაჩნდა ძალაუფლების განაწილებასთან დაკავშირებით. პისარომ სალინასთან ბრძოლაში ალმაგრო დაამარცხა და სიკვდილით დასაჯა იგი. თუმცა მოკლული ალმაგროს შვილმა მის თანამოაზრეებთან ერთად პისაროს წინააღმდეგ შეთქმულება მოაწყო და 1541 წლის 26 ივნისს მოკლა იგი.

• "Francisco Pizarro". Catholic Encyclopedia. New York: Robert Appleton Company. 1913.
• "Pizarro, Francisco". Appletons' Cyclopædia of American Biography. 1900.
• PBS Special: Conquistadors — Pizarro and the conquest of the Incas
• Francisco Pizarro, a Head of His Time დაარქივებული 2011-08-27 საიტზე Wayback Machine.
• The Conquest of the Incas by Pizarro - UC Press
• The European Voyages of Exploration დაარქივებული 2009-07-06 საიტზე Portuguese Web ArchiveCategory:Webarchive template other archives