Мизија

За градот Мизија во северна Бугарија, видете град Мизија.

Горна Мизија (Moesia Superior), о. 125

Долна Мизија (Moesia Inferior), о. 125

Мизија (латински: Moesia) била римска провинција и историски регион во југоисточниот дел на Европа^[1].

Положба

Името „Мизија“ доаѓа од тракиското племе Мизи. На југ, регионот граничи со планинската верига Хемус (Стара планина), на север со Дунав, на запад со реките Дрина и Сава, и на исток со Црно Море. Мизија ти опфаќа денешните Северна Бугарија, Источна Србија, романска Северна Добруџа и Скопската Котлина во Македонија.

Поделба

Мизија била формирана како посебна заедница кон 6 година од н.е.^[2] Во 85-86 година император Домицијан ја поделил Мизија на два дела - Горна и Долна. Граница меѓу двете новоформирани провинции била река Цибрица во денешната Монтанска област. Територијата на провинцијата Долна Мизија ја опфаќала денешна Северна Бугарија (без Видинската област и дел од Монтанската област) со денешна романска Добруџа. Територијата на Горна Мизија ја опфаќала на запад денешна Источна Србија и Косово, на југ денешна Северна Македонија, на исток денешните Перничка област и Ќустендилска област на Бугарија, а на север граница била река Дунав. Дарданија (вклучувајќи ја денешна Северна Македонија до Билазора) до крајот на III век била дел од Горна Мизија,^[3] но кон крајот на III век, истата станала посебна римска покраина која граничела со покраината Дакија. Населението на Горна Мизија веројатно е било од западно тракиско потекло, бидејќи жителите на Скупи се говорели на јазикот на племето Беси.^[4]

Западната граница на Античка Македонија започнувала од Пинд и продолжувала по Шарпланинскиот масив (Јабланица, Кораб, Дешат и планината Скард - денес Шар Планина). Шар Планина била тромеѓето помеѓу Македонија, Илирија и Дарданија.^[5] Северната граница на Античка Македонија, од тука, се спуштала по падините на планината Јакупица, минувала низ современите градови Скопје и Велес,^[5] по линијата на Сопот и Новачани, како и по долината на реката Пчиња и излегувала на Осоговските планини сè до Рила Планина.^[5] Северната граница на Античка Македонија, подоцна била граница помеѓу римските провинции Македонија и Горна Мизија,^[5], меѓутоа оваа граница била и граница меѓу две култури: источна (хеленска) и западна (латинска).^[5]

Кичевската котлина и Полог до неодамна погрешно се ставаа во провинцијата Горна Мизија,^[5] спротивно од податокот на географот Птолемај дека овој дел влегувал во провинцијата Македонија. Плиниј истакнува дека Дасаретија се протегала на север од Епир сè до дивите барбари Дарданците.^[6] Полошката и Кичевската котлина влегувале во македонската област Дасаретија.

Денес Мизија нема никаков политички или административен статус во Бугарија и Србија. Називот се употребува воглавно во историски контексти.

Наводи

↑ Транскрипција на латинскиот јазик - диграфи oe и ae, стр. 73, Правопис на македонскиот јазик, Просветно дело, Скопје 2007
↑ A short history of the Roman Empire to the death of Marcus Aurelius, J. Wells, R. Barrow, Taylor & Francis, p. 49.
↑ The Provincial at Rome: And, Rome and the Balkans 80 BC-AD 14, Liverpool University Press, Sir Ronald Syme, Anthony R. Birley, University of Exeter Press, 1999, ISBN 0859896323, p. 131.
↑ Pannonia and Upper Moesia: a history of the Middle Danube Provinces of the Roman Empire, András Mocsy, Routledge, 1974, ISBN 0710077149, p. 364, it. 41.
↑ ^5,0 ^5,1 ^5,2 ^5,3 ^5,4 ^5,5 Историја ан Аргеадите, Наде Проева, Скопје, 2004
↑ Plin. IV, 3.

Галерија

Мизија на картата на Римското Царство
Горна Мизија, која ја опфаќала и денешна Северна Македонија.
Карта на римските провинции на Балканот. Во јужниот дел на Горна Мизија се гледа градот Скупи
Карта на римските провинции на Балканот на која Мизија е поделена на Горна и Долна. Во јужниот дел на Горна Мизија се гледаат градовите Скупи и Улпијана.^[а]

Белешки

^а Ова е карта што датира од поодамна, на која местоположбата на Скопје (Scupi) е погрешна. Исто така, границите на Горна Мизија не се прецизни (не соодветствуваат со описот во статијата).

Надворешни врски

Натписи од Горна Мизија Архивирано на 25 јули 2009 г., Белградски универзитет.

Предлошка:Покраини во Римското Царство (4-7 век)

Оваа статија историјата е никулец. Можете да помогнете со тоа што ќе ја проширите.

[1] Транскрипција на латинскиот јазик - диграфи oe и ae, стр. 73, Правопис на македонскиот јазик, Просветно дело, Скопје 2007

[2] A short history of the Roman Empire to the death of Marcus Aurelius, J. Wells, R. Barrow, Taylor & Francis, p. 49.

[3] The Provincial at Rome: And, Rome and the Balkans 80 BC-AD 14, Liverpool University Press, Sir Ronald Syme, Anthony R. Birley, University of Exeter Press, 1999, ISBN 0859896323, p. 131.

[4] Pannonia and Upper Moesia: a history of the Middle Danube Provinces of the Roman Empire, András Mocsy, Routledge, 1974, ISBN 0710077149, p. 364, it. 41.

[Pro-5] 5,0 ^5,1 ^5,2 ^5,3 ^5,4 ^5,5 Историја ан Аргеадите, Наде Проева, Скопје, 2004

[6] Plin. IV, 3.

[1]

[2]

[3]

[4]

[5]

[6]

[а]