Ново Село (Полошко)

Ново Село
Ново Село Местоположба на Ново Село во Македонија Ново Село на карта
Координати 41°50′4″N 20°52′1″E / 41.83444°N 20.86694°E / 41.83444; 20.86694
Општина	Врапчиште
Население	6 жит. (поп. 2021)[1]
Шифра на КО	07057
Надм. вис.	636 м
Ново Село на општинската карта Атарот на Ново Село во рамките на општината
Ново Село на Ризницата

Ново Село — село во Општина Врапчиште, во околината на градот Гостивар.

Селото лежи во Полошката Котлина. Во близина се селата Зубовце и Врапчиште, а истото е оддалечено 8,3 километри од центарот на градот Гостивар.

Според статистиката на Васил К’нчов („Македонија, Етнографија и статистика“) од 1900 година, во Ново Село живееле 72 жители, сите Македонци.^[2] Според егзархискиот секретар Димитар Мишев, („La Macédoine et sa Population Chrétienne“) во 1905 година во Ново Село имало 72 Македонци, под врховенството на Бугарската егзархија.^[3]

Според пописот на населението на Македонија од 2002 година, селото има 19 жители, сите Македонци.^[4]

Според последниот попис од 2021 година, во селото живееле 6 жители, сите Македонци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Ново Село е македонско село.

Според истражувањата од 1940-тите родови во селото се:

• Староседелци: Стојковци (1 к.), Стојановци (1 к.), Димовци (2 к.) и Змејковци (1 к.).^[9]

Во селото постои избирачкото место бр. 453 според Државната изборна комисија, сместени во просториите на основното училиште на селото Врањовце.^[10]

На претседателските избори во 2019 година, на ова избирачко место биле запишани вкупно 697 гласачи.^[11]

Поради лошата географска положба, селаните од Ново Село се или биле приморани да функционираат надвор од селото, бидејќи селото не е опремено со продавници и останати места кои се потребни за опстанок. Затоа некои селани доброволно се преселиле од селото во соседно Зубовце кое е и најблиску до селото, или потполно се преселиле во градот Гостивар.

• Ново Село (Полошко) на Ризницата

п р у Населени места во Општина Врапчиште Врановци Врапчиште Галате Горјане Градец Добри Дол Ѓурѓевиште Зубовце Калиште Ломница Неготино Ново Село Пожаране Сенокос Топлица Историски Прошовце