Штит-Кентаур (или Штит-Јужен Крст) — долг спирален крак од гас и прав, еден од главните на Млечниот Пат.
Кракот е сместен помеѓу помалиот крак Кобилица–Стрелец и поголемиот Персеев Крак. Штит-Кентаур почнува близу средишната пречка како Штитов Крак, а потоа постепено преоѓа во Кентауров Крак.[1]
Подрачјето кајшто овој крак се поврзува со пречката на галаксијата е богато со ѕвездородни области. Во 2006 г. таму е откриено големото јато RSGC1 кое опфаќа нови ѕвезди, меѓу кои и 14 црвени суперџинови. Во 2007 г. е откриено јатото RSGC2 со околу 50.000 новонастанати ѕвезди, на само неколку стотици светлосни години од RSGC1. Второспоменатото се смета дека е помладо од 20 милиони години и содржи 26 црвени суперџинви — најголемата позната групација на такви ѕвезди.[2] Други јата на ова подрачје се RSGC3 и Аликанте 8.[3]
↑Davies, B.; Figer, D. F.; Kudritzki, R. P.; MacKenty, J.; Najarro, F.; Herrero, A. (2007). „A Massive Cluster of Red Supergiants at the Base of the Scutum‐Crux Arm“. The Astrophysical Journal. 671 (1): 781–801. arXiv:0708.0821. Bibcode:2007ApJ...671..781D. doi:10.1086/522224. S2CID1447781.
