|
కొత్త ఢిల్లీ జిల్లా
న్యూ ఢిల్లీ జిల్లా, భారతదేశం, ఢిల్లీ రాష్ట్రం లోని పరిపాలనా జిల్లా. [1] దీని జిల్లా ప్రధాన కార్యాలయం న్యూఢిల్లీ. ఇది భారతదేశ రాజధాని. దాని సరిహద్దులలో ఉన్న న్యూఢిల్లీ పేరు దీనికి పెట్టబడింది. ఇది పూర్తిగా ఢిల్లీ మహానగరంలో ఒక భాగం. ఈ జిల్లా 1997లో స్థాపించబడింది.[2] [3] అయితే 2012లో ఢిల్లీ జిల్లాలను పునర్నిర్మించే సమయంలో దీని సరిహద్దులు గణనీయంగా మారాయి [4] భౌగోళిక శాస్త్రంన్యూఢిల్లీ జిల్లా ఢిల్లీలోని నేషనల్ క్యాపిటల్ టెరిటరీ (ఎన్.సి.టి)లోని మూడు పురపాలక సంఘాలు, [5] అవి న్యూఢిల్లీ, ఢిల్లీ కంటోన్మెంట్, ఢిల్లీ నగరపాలక సంస్థ ప్రాంతాలతో విస్తరించి ఉంది.ఇది కేంద్రంగా ఉన్న లుటియన్స్ ఢిల్లీని కవర్ చేస్తుంది. ఎన్.సి.టి. నైరుతి సరిహద్దు గురుగ్రామ్ వరకు విస్తరించి ఉంది. [6] ఎన్.సి.టి.లోని ఇతర 10 జిల్లాలలో మాదిరిగానే పరిపాలనా సౌలభ్యం కోసం, చాణక్యపురి, ఢిల్లీ కంటోన్మెంట్, వసంత్ విహార్ అనే మూడు తహసీల్‌లుగా విభజించారు.. [7] చరిత్రన్యూ ఢిల్లీ జిల్లా 1997లో స్థాపించబడింది, ఎన్.సి.టి. పూర్వపు ఒకే జిల్లా 9 జిల్లాలుగా విభజించబడింది.[8] అప్పటి సరిహద్దులలో, జిల్లా 35 కిమీ² విస్తరించి ఉంది.[9] 2012లో ఢిల్లీ జిల్లాల సరిహద్దులను పునర్నిర్మించినప్పుడు, న్యూ ఢిల్లీ జిల్లా విస్తీర్ణం గణనీయంగా పెద్దదిగా మారింది.[10] ఇప్పుడు పొరుగు రాష్ట్రమైన హర్యానా సరిహద్దు వరకు విస్తరించింది.[11] గణాంకాలు
న్యూ ఢిల్లీ జిల్లాలో 3 తాలూకాలు, 0 గ్రామాలు, 4 పట్టణాలు ఉన్నాయి. 2011 భారత జనాభా లెక్కలు ప్రకారం, న్యూఢిల్లీ జిల్లాలో 33,208 గృహాలు ఉన్నాయి. జిల్లా లోని జనాభా 1,42,004. అందులో పురుషులు 77,942 కాగా, స్త్రీలు 64,062. మంది ఉన్నారు. 0-6 సంవత్సరాల మధ్య వయస్సు గల పిల్లల జనాభా 12.760, మంది ఉన్నారు. ఇది మొత్తం జనాభాలో 8.99% ఉంది.[12][13] న్యూ ఢిల్లీ జిల్లా లింగ నిష్పత్తి రాష్ట్ర లింగనిష్పత్తి 868తో పోలిస్తే దాదాపు 822 ఉంది.ఇది ఢిల్లీ రాష్ట్ర ఎన్.సి.టి. సగటు. న్యూ ఢిల్లీ జిల్లా అక్షరాస్యత రేటు 80.41% అందులో పురుషులు అక్షరాస్యత రేటు 84.27% శాతం, స్త్రీల అక్షరాస్యత రేటు 75.71% శాతం ఉంది.న్యూ ఢిల్లీ మొత్తం వైశాల్యం 35 చ.కి.మీ, జనాభా సాంద్రత చ.కి.మీకి 4057. మొత్తం జనాభాలో, జనాభాలో 100% మంది పట్టణ ప్రాంతంలో 0% గ్రామీణ ప్రాంతంలో నివసిస్తున్నారు. న్యూ ఢిల్లీ జిల్లాలో మొత్తం జనాభాలో 23.41% షెడ్యూల్డ్ కులానికి చెందినవారు ఉన్నారు. 0 మంది షెడ్యూల్డ్ తెగల వారు ఉన్నారు.[13] జిల్లా జనాభా మతం ప్రకారం
మూలాలు
వెలుపలి లంకెలు |
||||||||||||||||||||||||||||||||||||||||||||||
