Alessio Morosin
  | |
| Biografia | |
|---|---|
| Nasimènto | 20 de zugno del 1955 (71 ani) |
| Dati personałi | |
| Formasion | Università de Pàdova |
| Atività | |
| Ocupasion | |
| Partio | Independensa Vèneta (2012–) Vèneto Stato (2010–2012) Liga Vèneta Repùblega (1998–2010) Łiga Vèneta (–1998) |
|
| |
Alessio Morosin (nasesto el 20 de zugno del 1955 a Noał) el xe on avogador e poidego vèneto venetista.
El xe stà consijer rejonał e el xe soratuto conosesto par esar on dei fondatori e presidente onorario de Independensa Vèneta e esar stà candidà presidente al ełesion rejonał del Vèneto del 2015 co IV.
Vita
Xoventù
Alessio Morosin el xe nasesto el 20 de zugno del 1955 a Noał. El ga fato l'Università de Pàdoa e el se ga łaureà en łexe inte el 1981. Dopo ła łaurea el xe deventà avogador al foro de Venesia.
Carièra poìdega
El xe intrà en poidega co ła Łiga Vèneta inte i primi ani '90 e par łe so idee e ła so braura el xe stà incaregà al Conséjo Rejonał del Vèneto al Ełesion rejonał del Vèneto inte el 1995.
Vero vènetista, el se ga fato conosar par esar stà el autor de ła risołusion 42/1998, dal titoło I popołi de ieri e de ancò e el dirito al autodeterminasion, sol dirito al autodeterminasion del popoło vèneto. Ła risołusion ła xe stà aprovà a majoransa del Consejo Rejonał el 22 de avrił 1998.
El so forte vènetismo ga portà Morosin a łasar ła Lega Nord inte el otobre del 1998, par far nasar a ła Łiga Vèneta Republica, co anca Fabrizio Comencini e altri cuatro consijeri rejonai.
Distintose par łe so idee e ła so braura, inte el 2004 el xe stà incaregà presidente del partio, caréga tegnesta fin al 2007. Inte el setenbre del 2010 el ga guidà a ła nasita del partio Vèneto Stado drento che el xe intrà e diventà on menbro inportante.
El 12 de majo del 2012 lu e altri noti poideghi independentisti vèneti i ga fato nasar el movimento Independensa Vèneta (IV), e el ghe xe deventà presidente onorario[1][2][3].
Deventà indescuso lider del partio ło ga fato cresar e 'l ga portà intrar altri poideghi cofà Lucio Chiavegato e Fabio Padovan.
Morosin ga scrito anca on łibro Auto•Determinasion (Self•Determination en inglexe) tradusesto en varie łéngue uxà inte łe università britaneghe cofà testo, el parla del dirito al Autodeterminasion dei popołi e de ła via par l'Independensa de ła Repùblega Vèneta; el xe stà publegà el 19 de avrił del 2015[4][5].
Morosin sostegnù da Independensa Vèneta el ga corsesto par l'ełesion rejonał del Vèneto inte el 2015 e ga ciapà el 2,6% e 55.760 voti, ma no ga podù ver careghe en Consejo Rejonał. Independensa Vèneta e el stes Morosin i ga dito che el risultà, pì ceo de chel che se spetea, jera dovù a ła creasion de pì łiste sivete che łe sostegnea scuaxi tuti i candidai, soratuto una de nome Indipendenza noi Veneto (el noi jera scrito masa en picenin) col nome conpagno a chel de Indipendenza Veneta e al fato che Morosin e Independensa Vèneta łe jera stae tajae fora dai mexi de comunicasion e dibatiti poideghi so tełevixion, radio, xornai, ecc...
Alessio Morosin xe stà on dei ugnoi a gaver rinunsà al vidałisio so pì de 4000 ex parlamendari, senadori e consijeri rejonai el xe stà el primo a gaveghene rinunsà e xe stà seguì sol da 9 altri poideghi[6][7].
Òpare
Alessio Morosin ga scrito anca on łibro:
- Auto•Determinazione (Self•Determination), 2015.
Notasion
el detien schemi gràfeghi so
- ↑ Nasce Indipendenza Veneta: ora ze il nome di un movimento, a breve sarà la realtà, Indipendenza Veneta, 28 de majo 2012. Entrada il 24 de otobre 2013.
- ↑ Pizzati ze eletto segretario di Indipendenza veneta - Veneto - il Mattino di Padova, Mattinopadova.gelocal.it, 28 de majo 2012. Entrada il 24 de otobre 2013.
- ↑ Congresso Indipendenza Veneta: Pizzati segretario, Trevisotoday.it. Entrada il 24 de otobre 2013.
- ↑ https://www.ibs.it/auto-determinazione-ebook-alessio-morosin/e/9788868557669
- ↑ https://www.amazon.com/Self-determination-Alessio-Morosin-ebook/dp/B079Z8MMZ5
- ↑ https://www.miglioverde.eu/veneto-su-226-ex-consiglieri-regionali-solo-uno-ha-rinunciato-al-vitalizio/
- ↑ http://www.lindipendenzanuova.com/ma-il-solo-indipendentista-candidato-presidente-in-veneto-e-morosin-pułìtego-senza-vitalizio/ (ligo ronpesto dispunìbiłe in Internet Archive; védarse el istòrego, la prima version e ła ùltema).
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
