Canposanpiero

**Canposanpiero**
Camposampiero (it)
	; ;
Pozision
	45°34′00″N 11°56′00″E
Stato	Itàłia
Rejon	Vèneto
Provinsa	provincia de Pàdoa
Capitałe	Camposampiero (it)
Popołasion
Totałe	11 817 (2023)
Densità	559,52 hab./km²
Zènaro
Demònemo	camposampierezi ,
Zeografia
Parte de	Federasion dei Comuni del Canposanpiereze
Diòceze	diòseze de Trevizo
Àrea	21,12 km²
Bagnà da	Muzon Vècio
Altitùdene	24 m
Rente a	Borgorico ; San Zorzi de łe Pèrteghe ; Santa Justina in Cołe ; Pionbin ; Loreja ; Masansago ; Trebazéłeghe
Dati istòreghi
Dì festivo	Festa patronałe(13 de giugno)
Patrono	Sant'Antonio da Padoa
Còdazi de identifegasion
Còdaze postałe	35012
Còdaze de matricołasion	PD
Clasifegasion climàtega	clima subtropegałe ùmido
Prefiso tełefònego	049
ID ISTAT	028019
Còdaze catastałe de Itàlia	B563
	Premi tìtuło de sità in Itàlia ;
Sito web	comune.camposampiero.pd.it

Canpo San Piero xe on comun de 12 211 abitanti de ła provincia de Pàdova.

El 20 lujo del 2009 el Presidente de ła Repùblica Giorgio Napolitano el ghe ga conferìo el titoło de sità.

Storia

Fin dai tinpi pì remoti, Canpo San Piero ga avuo na serta importansa cuałe cołonia romana posta longo ła via Aurelia^[2]; ma el periodo de major valensa xe sta rajunto daspò el Miłe, col dominio dei feudatari che del ga ciapà el nome del logo. Inte el 1013 l'imperatore Enrico I el gavea conceso el teritorio al cavałier Tiso che, proclamàtose vasało del patriarca de Aquileja, el ga fato tirar su un casteło e el ga dà orìxene a ła poténte dinastia de Canpo San Piero.^[3]

El sito el ga ciapà col tempo inportansa stratèxica, el xe stà fortifegà e difexo co terapiéni, fosai, òpare de muradura; de tałe compleso - un vèro casteło feudałe - deso resta łe do bełe tore medioevałi de matuni: ła Tore del Rełojo e ła Tore de ła Roca o del Munisipio, oltre a ła Roca stésa, pì volte ristruturà e deso denominada Pałaso Tiso, sede Munisipałe.

I longhi anni de guere e scorerie de exersiti guelfi e ghibełini i xe finidi inte el 1405 co ła cadua de ła signoria Cararese par òpara de ła Serenìsima; el dominio de Venesia ła ga portà a tuto el teritorio bonìfeghe fondiarie e un mejoramento de łe condision de vita de łe popołasion. On ùltimo sachejo Canpo San Piero ło ga avuo inte el 1512 par òpara de Masimilian d'Austria e dei cołejadi de ła liga de Cambrai che i gaveva moso guera a ła Repùblica Vèneta. Daspò el borgo el ga perso ła so importansa miłitare e col ténpo casteło e fortifegasion i xe stai smantełai. Xe naseste numaroxe bełe viłe patrisie dei Querini, Gritti, Barbarigo e ła canpagna ła se ga richida de ordenai rùsteghi dai grandi portegai.

Na caraterìstega de ła Canpo San Piero de oncó xe de averghe łe tre parochie divixe infrà łe diòcexi de Pàdova e de Trevixo; ła Ceza parochiałe de San Marco ła partien a ła prima méntre San Piéro e ła Ceza de Santa Maria Asunta inte ła frasion de Rùstega łe xe inte ła diòcexi de Trevixo.^[4] Xe da menxionare anca la Ceza dei Frati e el Santuario de ła Nogara, tuti e do ligai a Sant'Antonio da Padoa.