Pionbin

**Pionbin**
Piombino Dese (it)
	; ;
Pozision
	45°36′00″N 11°56′00″E
Stato	Itàłia
Rejon	Vèneto
Provinsa	provincia de Pàdoa
Capitałe	Piombino Dese (it)
Popołasion
Totałe	9 397 (2023)
Densità	317,14 hab./km²
Zènaro
Zeografia
Parte de	Federasion dei Comuni del Canposanpiereze
Àrea	29,63 km²
Altitùdene	24 m
Rente a	Canposanpiero ; Trebazéłeghe ; Morgan ; Istrana ; Vedełago ; Loreja ; Rezana ; Zero Branco
Dati istòreghi
Dì festivo	Festa patronałe(19 de marso)
Patrono	Juzepe de Nazaret
Còdazi de identifegasion
Còdaze postałe	35017
Còdaze de matricołasion	PD
Clasifegasion climàtega	clima subtropegałe ùmido
Prefiso tełefònego	049
ID ISTAT	028064
Còdaze catastałe de Itàlia	G688
Sito web	comune.piombinodese.pd.it

Pionbin (in itałian Piombino Dese) el xe un comun de 9333 abitanti de ła provincia de Pàdova.

Istoria

Daspò l'alta età de mezo, co łe invaxion barbàreghe e ła rivada dei Longobardi, se ga ła prima citasion de Pionbin: inte na boła de papa Ugenio III del 1052, ła xe recordada infrà łe partegnénse de ła pieve de Trebaxełeghe, a so volta soto ła diòcexi de Trevixo.

Inte el età de mexo el teritorio el jera oncora particołarixà dal'inportante prexensa de bóschi e canałi, fondamentałi par l'economia de quiłi tinpi, baxada oncora su casa, pesca e rancura.

El poder del véscovo el xe stà seguìo da queło làico dei comuni, ma de sto qua no se parla de particołari evénti che i revarda el paéxe^[2].

Serenìsima

Infrà el Tre e'l Quatroxento ła salta fora ła Serenìsima, co grandi canbiaminti pal sistema econòmego e sociałe.

Se inte ła fin del'età de mexo i fèudi i gaveva smenuìo łe so dimension a faor de ła pìcoła propietà borghexe, a partire dal primo Quatroxento l'agricoltura ła scuminsia a èsare tolta tuta inte łe man de ła nobiltà venesiana e da altre póche faméje de spico. Venesia ła gaveva ramai bandonà łe tradisionałi atività marcantiłi e industriałi verte verso l'Oriénte, dedicàndose pitosto a darghe forsa al'economia agrìcoła de ła teraferma da póco conquistada. Sti qua i ì xe i tinpi de łe viłe vènete che łe ga influensà par vèro el teritorio de Pionbin: gavemo notisia de pałasi de siuri fin da ła prima metà del Quatroxento.

Al stéso ténpo, ła se ga sparpagnada na nóva concesion del teritorio, devegnesto deso łógo dei insediaminti da modifegare e ordenare in funsion del'omo. Cusì i ga fato un bel fià de intervinti par regołare i fiumi Siłe, Xero, Dexe e Marzenego (XVI-XVIII sècoło). Łe inisiative łe capitava de frecuente grasie a łe stese fameje patrisie, prima infrà tute queła dei Cornaro^[2].

Viłe

El monumento pì importante de Pionbin el xe Viła Cornaro, patrimonio del'umanità proteto dal'UNESCO. Projetada dal Paladio e finida a ła fin del XVI sècoło, ła xe el prinsipałe edifisio del séntro. Ła vegne desegnada e descrita dal steso architeto inte el secondo dei sui I quatro libri del'architetura, tanto che ła xe beła.
Viła Marcello ła xe n'altro inportante edifisio, del XVIII secolo, che oncora el partegne a ła fameja Marcello. Co sie ètari de parco (al'itałiana vanti, al'inglexe de drio), vixitàbiłe^[3], drénto ła contegne el grand sałon da bało al pian nòbiłe che el òspita bełìsimi afréschi de Giambattista Crosato, méntre łe altre stanse łe xe decorae co stuchi e afreschi del paexista Giuseppe Zais.

Evolusion demografica

Abitanti censii

Note

↑ voze de refarensaistat.it.
↑ ^2,0 ^2,1 Pàjina de storia del sito ofisiałe Archivià il 24 de marso 2011 in Internet Archive.
↑ Sito de ła viła co informasion par na vìxita Archivià il 18 de febraro 2009 in Internet Archive.

Controło de autorità	VIAF (EN) 142098195 · El vałore CFIV168899 de SBN no el xe mija bon. · LCCN (EN) n2004023266 · WorldCat Identities (EN) n2004-023266

[16139ca327c50d72c40d8c5fd3abe706b989650e-1] voze de refarensaistat.it.

[storia-2] 2,0 ^2,1 Pàjina de storia del sito ofisiałe Archivià il 24 de marso 2011 in Internet Archive.

[3] Sito de ła viła co informasion par na vìxita Archivià il 18 de febraro 2009 in Internet Archive.

[1]

[2]

[3]