Carles Puigdemont
Carles Puigdemont i Casamajó (Amer, 29 de disenbre 1962) el ze un połidego e xornałista catełan, presidente de ła Genetalitat de Catalunya dal 26 zenaro 2016 al 28 otobre 2017, dì del comisionamento rezonal. El ze menbro del Partio Democradego Eoropeo Catełan.
Cariera Poidega
Inìsio
Puigdemont el ze stà un de i menbri
fondatori de ła sesion de Xerona de ła Joventut Nacionalista de Catalunya ("Xoventù Nasionaista de ła Catełogna")[1]; inte el 1983 el se iscrive a Convergensa Democradega de ła Catełogna 'ndo ghe restarà fin a ła so fin inte el 2016.
Dal 2006 vien ełet inte el Parlamento Catełan come deputà par ła provinsia de Xerona.
Sìndico de Xerona
.jpg)
El 1° de łujo 2011 el vien ełeto alcade (sindico) de Xerona.
Inte el majo del 2015 el vien ełeto de novo come sindico de Xirona e inte el łujo del stes ano vien ełet presidente del 'Associació de Municipis par la Independència ("Asosiasion de i Comuni par ła Independensa")[2].
El 27 de setenbre el ze stà de novo ełet al parlamento de ła Catełogna co ła łista independentista Junts pel Sí ("Insieme par el Sì"), fata da Convergensa Democradega de ła Catełogna (CDC) e Sanca Republicana de Catałogna (ERC). El 26 de zenaro 2016 el deventa presidente de ła Generalitat de Catalunya, fin al 28 de otobre 2017, dì del comisionamento de ła Catełogna da parte del goerno deMariano Rajoy.
Presidente de ła Catełogna
El 6 de zenaro del 2016 par na crizi del Goerno de Artur Mas, cao independentista de ła coałision Junts pel Sí, vien ełet Carles Puigdemont come novo presidente de ła Catełogna co 70 voti a favor, 63 contro e do astenui.
Puigdemont el taca el łaor el 12 de zenaro e xura fedeltà soło al pòpoło catełan e no al Re Felipo VI e a ła Costitusion Spagnoła.
El 10 de łujo Convergensa Democradega de ła Catełogna finise e da vida a Partio Democradego Eoropeo Catełan.
El 29 de setenbre inte on so discorso dize de vołer far in referendum par l'independensa de ła Catełogna da ła Spagna, independentemente del judisio spagnol, cusìta toe el sostegno del CUP e vien riconfermà al Parlamento Catełan co 72 voti a favor.
Referendum par l'independensa Catełana
Inte el disenbre 2016 Puigdemont fa el Pacte Nacional pel Referèndum par taca łe preparasion par el referendum, e scominsia ła canpagna de publisizasion e sensibiłizasion del referendum anca fora da ła Catełogna par esenpio al Parlamento Eoropeo.
El 22 de majo 2017 Puigdemont va a Madrid par parlar co Mariano Rajoy, el presidente spagnol, e reunirse inte on acordo comun so 'l referendum, inutilmente.
El 8 de setenbre el Parlamento Catełan aprova ła Łeze istitutiva del Referendum. El Marian Rajoy fa ricorso a ła łeze pal referendum e el Tribunał Costitusionał Spagnol ferma ła łeze e el referendum[3]. En pì ła Procura Xenerał (Fiscalía) denunsa Puigdemont e tuti i deputai che i ga votà a favor de ła łeze e obliga tute łe forse de połisia a fermar el referendum.
Votasion
El 1° de otobre el ze stà fat el referendum ma ła guadria civl (połisia spagnoła) ło ga fermà: i ga robà łe urne e łe schede de un bel fià de seji che i ze stài boni de serar, ła popołasion se ga oposto e ła ga manifestà pasifegamente contro sti fati e ła guardia civil ga prestà sirca novesento de chei che i jera drio manifestar, i Mossos d'Esquadra, a połisia catełana, no ga vosù fermar el referendum e se ze s-cierà col popoło catełan, i ponpieri i se ze s-cierai in defeza del popoło catełan e del referendum e ga defendesto ła popołasion da ła guardia civil.
El referendum ze stà vinto col 92,01% de i voti e el 43,03% de ła partesipasion, parché tante persone no łe ze stà bone 'ndar votar par i tanti seji serài.
Dichiarasion de independensa e articoeo 155
Dopo sto rizultà Puigdemont el 10 de otobre diciara l'independensa uniłaterał, ma sospende l'independensa par on fià de semane par far acordi co Madrid, che parò no voł far acordi, cusìta el 27 de otobre Puigdemont diciara l'efetiva independensa da ła Spagna e ła nasita de ła Repùblica Catełana.
Cusìta el dì dopo Rajoy co el voto in favor del parlamento uza el articoło 155 de ła Costitusion Spagnoa par cavar tuti i poderi a ła Catełogna, a Puigdemont e tuti chełi del so goerno i vien cavà el incarego e restai.
Esiłio
El 30 de otobre del 2017 Puigdemont ze stà denunsà da ła Spagna par ribełion e istigasion a ła ribełion, acuze dite false da ła comunidà catełana, cusìta par scanpar a ła prezon Puigdemont ze dovù 'ndar via da ła Catełogna e rifujarse inte łe Fiandre a Borsea, da 'ndo el dize de voer tornar in Catełogna soeo co ła garansia de on justo proceso.
El 3 de novenbre ła Spagna contro de lu fa on mandà de 'resto eoropeo. El 5 de novenbre Puigdemont se da a ła poisia belga e ghe vien dà ła łibartà condisinał.
Dopo che vien pì olte rimandà ła data del proceso el 5 de disenbre ła Spagna cava el mandà de 'resto eoropeo par farse mandar Puigdemont e farghe łori el proceso.
Vida privada
Xoventù
Charles Puigdemot el ze nasesto a Amer el 29 de disenbre 1962. Fiol de Xavier Puigdemont e Núria Casamajó, el ze el segondo de oto fradei.
Fin da xovane el se 'pasiona al xornałismo e a 16 ani, cuando jera drio studiar al coejo monastego de Xirona el łaora pal xornał Diari de Girona, un fià de ani dopo el crea el xornał Espelt.
Vida privata
Dal 2000 el ze maridà co ła xornaista Marcela Topor e el ga do fioe.
Notasion
- ↑ (CA) Profiło de candidàcarlespuigdemont.cat. Entrada il 14 de novenbre 2017.
- ↑ (CA) 'Puigdi' arriba al tronelperiodico.cat, 9 de genaro 2016.
- ↑ (ES) Rajoy: “No habrá referéndum de autodeterminación in Cataluña”, in El País, 7 settembre 2017. Entrada il 7 settembre 2017.
Wikimedia Commons el detien imàjini o altri file so Carles Puigdemont
el detien schemi gràfeghi so
| Controło de autorità | VIAF (EN) 14004078 · ISNI (EN) 0000 0000 5919 6926 · LCCN (EN) n94081176 · GND (DE) 1121802540 · BNF (FR) cb17908604n (data) · BNE (ES) XX1005511 (data) · WorldCat Identities (EN) n94-081176 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
