Nelson Mandela
— Nelson Mandela
Nelson Rolihlahla Mandela (Qunu, 18 de lujo 1918 - Johannesburg, 5 de diçenbre 2013) el xe stà on ativista e politego sudafricano.
Costreto a vivere par ani a Maputo, in Mozanbico, el xe stà par tanti ani on leader de l’Africa National Congress – el grupo che combatea contro l’apartheid in Sudafrica – e prigioniero politego a Robben Island fin al 1991. En tel 1993, el ga vinto el Premio Nobel par la Pace. En Sudafrica, tuti i le ciama Madiba, titolo de rispeto par i ansiani.
Atività politega
Mandela ga scominsià la so atività contro l’apartheid co el studiava lege. Le legi de l’apartheid (svilupo separà) le negava i diriti civili sociali e politeghi a tuti i non bianchi (neri, metici e axiatici) del Sudafrica. Mandela el xe entrà ne l'African National Congress – Congresso Africano Nasionale – entel 1942, e el ga fondà la Youth League (Lega Giovanile) co Walter Sisulu e Oliver Tambo in tel 1944. El laoraa come avocato de dì (studio Mandela-Tambo, che lavorava pro bono par i neri), e se impegnava ne el grupo anti segregasion de sera e ne i dì libari. Mandela el xe ono de i fautori de la Carta de la Libartà del 1955, dove se stabiliva el programa de resistensa contro el governo.
Mandela el xe stà aresta in tel 1956 e, dopo sie ani de proceso, el xe stà libarà par no verghe fato niente de criminale. Dopo el masacro de Sharpeville (1960) el ga acetà la lota armata contro el governo. En tel 1961, Mandela el ga fondà la Umkhonto we Sizwe (Lancia de la Nasion), el grupo armà del Congreso Africano Nasionale. Come cao del grupo, el xe stà lu a cordinare le atività de sabotagio e de guerilia. El xe stà arestà n’altra olta in tel 1962 e condanà a l’ergastolo in tel 1964. Mandela el se farà 26 ani de prison.
Dopo la liberasion el febraio 1990, Mandela el ga laorà par el pasagio non-violento a la demorasia in Sudafrica. En tel 1994 el xe diventà el presidente del Sudafrica, e el vecio presidente (De Klerk) el xera el so vice-presidente. En tel 1993 el gavea condiviso el premio Nobel par la pace propio con De Klerk. Mandela el xe stà presidente fin al 1999.
El xe morto a Johannesburg el 5 de diçenbre 2013, a 95 ani.[1]
Vita privata
En tel 1996 el ga sposà, in terze noze, Graça Machel – vedova del presidente mozanbicano Samora Machel. Dopo verghe lasà la presidenza a Thabo Mbeki, Mandela el sa ritirà ne la so casa a Rivonia, in tel nord de Johannesburg. El ga anca continuà la so campagna a favor de i diriti umani e contro l’AIDS.
Mandela el ga ricevù tante onorificenze importanti. Le pi importanti le xe: Premio Nobel; l’Ordine di San Giovani da la regina Elisabeta II; Medaglia Presidenziale de la Libartà dal presidente americano George Bush; el Bharat Ratna, el pi importante riconosimento civile indiano. El Bharat Ratna el xe dato solo a i indiani. Mandela e Mare Terexa de Calcuta i xe i soli non indiani che i lo ga ricevù.
El ga visudo par ani a Maputo, cavedal del Mozanbico, dove che el gaveva na caseta sul lungomar.
Note
- ↑ cfr. Morto Nelson Mandela, aveva 95 anni. Addio al padre della lotta contro l'apartheid, in: Corriere della Sera, 05-12-2013
Wikimedia Commons el detien imàjini o altri file so Nelson Mandela
el detien schemi gràfeghi so
| Controło de autorità | VIAF (EN) 98029748 · ISNI (EN) 0000 0001 2144 7715 · El vałore CFIV018882 de SBN no el xe mija bon. · LCCN (EN) n85153068 · GND (DE) 118730541 · BNF (FR) cb120379994 (data) · BNE (ES) XX1721566 (data) · ULAN (EN) 500198443 · NLA (EN) 35325159 · BAV ADV11348392 · NDL (EN, JA) 00470984 · WorldCat Identities (EN) n85-153068 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
