Cultivar

Cultivar (pronunsa coreta: /ˈkultivar/^(VEC) ; pronunsa asetàbiłe: /kultiˈvar/^(VEC) , scursà in cv. segondo el còdaze internasionałe de nomenclatura par łe piante coltivae) el ze el tèrmano col cuało in agronomia se intende na varietà de pianta cultivada, otegnesta col mejoramento zenètego, che el resume un union de spesìfeghi de caràtari morfołòzeghi, fiziołòzeghi, agronòmeghi e merseołòzeghi de partegołar intarese e trasmetìbiłi co ła propagasion, sia co samesa che co tochi de pianta.

In lato pràtego, el cultivar el saria l'anàłoga rasa de na spece animałe fata co ła domestegasion e ła sełesion.

El cultivar el se identìfega de consevensa inte un partegołar zenotipo, izołà artefesalmente co ła sełesion masałe o ła sełesion individuałe, che ła tien fisà e repetìbiłi, co ła propagasion gàmega par almanco 3-4 zenerasion, i so caràtari.

Inte ła sistemàtega, el cultivar el raprezenta na sudivizion menor de ła sotospece al pari de ła varietà, tèrmano che de sòłito el se rifarise a łe rase che łe se ga produzeste de so sponte in nadura.

El tèrmano «cultivar» (in vèneto, sostantivo mascułin variàbiłe) el divien da ła contrasion de ła locusion ingleza cultivated variety ("varietà coltivata"), a volta soa calco del latin varietas culta, e el ze sta ufisalmente adotà dal XIII Congreso de Orticultura che el se ga fazesto a Londra inte el 1952.

1. ↑ (probabilmente 'Flaming Club')

• Varietà (biolozia)
• Rasa

• Wikimedia Commons el detien imàjini o altri file so cultivar
• Scholia el detien schemi gràfeghi so Cultivar

• cultivarTreccani.it – Enciclopedie on line, Istituto de ła Ençiclopedia Italiana.
• CultivàrVocabolario Treccani, Istituto de ła Ençiclopedia Italiana.
• cultivarsapere.it, De Agostini.
• (EN) cultivarEnçiclopedia Britannica, Encyclopædia Britannica, Inc.
• (EN) Opere riguardanti CultivarsOpen Library, Internet Archive.