Derito pùblego

El derito publego xe cheła branca del derito che se ocupa de el studio de łe norme che łe regołamenta l'organixasion e el funsionamento de el Stato, de łe istitusion e dei enti pùbleghi, oltre ai raporti tra el sitadin e i enti andove el sia reconosesto el partegołare status a ponto "de derito publego".

Ojeto

Segondo racuante definision dotrinałi, sto cuà el saria ła disiplina deputada a el studio de tuta la normativa de direto intarese cołetivo, o vero cheła andove i se rivarda sojeti che i trae a riłevansa xuridega soa pa' colpa de ła titołarità de funsion o atribusion o comuncue incareghi de intarese de tuti, o comuncue posti a salvaguardia de l'intarese publego.

Come tal, el derito publego se contende el canpo col derito privato, che le so materie e l'è chełe che łe rivarda a l'oposto i raporti tra singołe anime in poxision de parità.

In realtà, ła stesa dicotomia publego-privato (elaborada da Norberto Bobbio) ła xe mia tanto presixa, datada e a olte suparada. De fati, na summa divisio xe cusì ciama co se (e se) riese a separar tuto in do sfere de conpetensa indipendenti e sarae. Sto cua non pare che suceda par el binomio derito publego-derito privato, par l'influensa anca de sostansa e formałe de łe istitusion eoropee e del fenomeno de globałixasion dei mercati^[1].