Disco duro

El disco duro (ing. hard disk), dito anca disco fisso, el xe un marchingegno doparà inte i computer par memorizar i dati. La xe na memoria de tipo secondario: mentre su le memorie primarie (come la RAM) quando te smorzi el computer i dati i se scancela, su i dischi duri i se mantien anca col computer smorzà e senza corente.

El xe fato da uno o più dischi de aluminio o de vero, cuerti de material feromagnetico, parai torno velocisimi, e da na serie de testine (de solito do par ogni disco, una par sora e una par soto) che serve par lezar e scrivar i dati contegnù sui dischi.

dischi duri de solito i xe tacà al computer, e par destacarli bisogna smorzarlo e verzarlo, anca se se pol metarse su un calto rimovibile che se inserise sul davanti del computer, se ghe mete dentro el disco e dopo te pol tirar fora el calto senplicemente tirando na maniglia. Nei ultimi tenpi xe inveze vegnù fora ne le boteghe dei dischi duri esterni, che i se taca al computer co la porta USB e se pol destacarli quando che se vol, e menarli in giro facilmente, in maniera simile a le ciavete USB, solo che i dischi duri esterni i ciapa piesè posto e i tien piesè dati. In più de solito i dischi duri esterni i ga anca el filo de la corente, parché la corente che pasa par la porta USB no la xe in bisogno par alimentarli, come sucede inveze su le ciavete.

• Wikimedia Commons el detien imàjini o altri file so Disco duro
• Scholia el detien schemi gràfeghi so Disco duro