RAM

Eà RAM xe un tipo de memoria del computer, RAM sta pa i termini inglesi random-access memory, che tradotto vol dire memoria a accesso casuale, cioè qualsiasi dato che vièn sercà dal computer el vièn restituio da la memoria in tenpo costante, roba che invese no sucede inte el caso, pa exempio, de na memoria a aceso sequensiàe, dove che se un dato xe distante dal punto de letura bisogna spetare pì tenpo pa poderlo lexare (vedi e vèce casete, che bisogna parare vànti e indrìo).

Sto fato el permete a la memoria de èsare velòce in ogni circostansa (atualmente i tenpi de risposta de na RAM xe intorno ai 10 nanosecondi se se trata de na SRAM, 100 ns pa na DRAM ).

Oviamente se la RAM ritorna i dati tuti più o meno in tel steso tenpo, vol dire che in qualche modo la ga da tegnère tracia de là posisiòn, o mejo, del'indirìso che identifega un dato, el che conporta che pa memorixare un dato serve pì spàsio del dato steso. Questo rende l'architetura de sto genere de memoria tanto complicà, a livèo progetuàe e, a magior rajon, a livèo hardware. Date e carateristiche pena descrite, la RAM se uxa in tel computer pa tegnere disponibie la magior parte dei dati che ghe serve al prosesore, pa exenpio i programi che xe drio uxare l'utente.

Se no fuse cusì el processore dovarìa spetare i dati, e istrusiòn e tuto el resto dai dischi fisi, i quai ga un tenpo de risposta che xe nell'ordine dei ${\displaystyle 10^{7}}$ns, tempi inproponibii pa un prosesore, che ga atualmente na frequensa de clock che poe sorpasar anca i 2 GHz.

Eà SRAM ("Static Random Access Memory") xe un tipo de RAM che vièn reaixà con na tecnołozia pitòsto sofisticà el che comporta un costo abastansa alto.

Data eà so complessità xe difisie fare na SRAM tanto capiente, de sòito se riva al un massimo de 8 MByte, par contro eà xe tanto veòce e grasie ai so tempi de risposta eà vièn usà pa fare quèa che se ciàma memoria cache.

Co DRAM ("Dinamic Random Access Memory") se intende un tipo de memoria pì lenta ma pì capiente dèa SRAM dato che eà xe fata co na tecnołozia pì econòmega.

A parità de silicio usà, eà xe pì capiente dea SRAM e questo xe uno dei motivi par cui eà costa manco. Quando che comunemente se se vòe riferire àea RAM de un computer se se riferise a questa, i ultimi computer poe montare RAM che supera i 4 GB.

• Wikimedia Commons el detien imàjini o altri file so RAM
• Scholia el detien schemi gràfeghi so RAM