Endemol Shine Italy

Endemol Shine Italy
Dati
Sorte	caxa de produsion tełevixiva
Indùstria	tełevizion
Forma zurìdega	socetà par asion
Istòria
Creasion	1997
Governo d'impresa
Ente controłante	Endemol e Endemol Shine Group
Ex nome (it)	Endemol Italia (1997–2017); Endemol Shine Italy (2017–)
Sito web	endemolshine.it

Endemol Shine Italy S.p.A. (za Endemol Italia) ła ze na sosietà de produsion e distribusion tełeviziva itałiana co sede a Roma, che ła produze format televisivi de'l grupo Banijay.^[1]

Zenarałità

Endemol Shine Italy ła ze ła prima sosietà de produsion tełeviziva in Itałia e ła fa parte de Endemol Shine Group da'l 2016 a'l 2020 e de Banijay da'l 2020 fin vanti. L’atività de Endemol Shine Italy ła spasia da ła reałizasion de programi de intratenjimento e fiction de onji zènare, a ła creasion e adatamento dei formadi par i prensipałi network itałiani, piataforme satełitari e media intarativi.

Ła ze prezente in Itałia da'l 1997 cuando che ła ga acuizìo ła sosietà de produsion tełeviziva Aran, nasùa inte'l 1986 come "La Italiana Produzioni Audiovisive" drioman renominada "Aran" inte'l 1988 e "Aran Endemol" inte'l 1997, co a cao Marco Bassetti, só marìo de Stefania Craxi. A desenbre 2014 A ze nasesto el Grupo Endemol Shine, ła joint venture che ła ga unìo Endemol, Shine e CORE Media creando uno dei pì grandi grupi par l'intratenjimento tełevizivo a'l mondo.

Endemol ła detien el 68,5% de ła Palomar, caza de produsion sinematogràfega de fiction Rai de suceso come Il commissario Montalbano e Braccialetti rossi. Ła sosietà, in pì, ła zviłupa contenjùi e servisi cross-media insieme a YAM112003, sosietà de'l Gruppo Endemol Shine.

Tra i programi tełevizivi produzesti da Endemol, sia so ła Rai che so Mediaset, catemo: el Grande Fratello, so Canale 5, i giochi a premi Affari tuoi e Soliti ignoti - Identità nascoste, so Rai 1, el varietà I migliori anni, senore so Rai 1, i game show Chi vuol essere milionario?, so Canale 5, format nasùo inte'l Renjo Unìo inte'l 1998 e dezbarcà in Itałia do ani pì tardi, e 1 contro 100, senpre so Canale 5, e numarozi show d'intratenjimento come Chi ha incastrato Peter Pan? e La fattoria so Canale 5 e Tale e quale show so Rai 1.

A ze de produsion Endemol Shine anca numarozi talk-show de prima e segonda serada come Che tempo che fa (fin a'l 2017), conduzesto da Fabio Fazio, so Rai 1, Le invasioni barbariche, conduzesto da Daria Bignardi, su LA7, e Verdetto finale, conduzesto da vari presentadori, so Rai 1.