Gozaldo

**Gozaldo**
Gosaldo (it)
	; ;
Pozision
	46°13′00″N 11°57′00″E
Stato	Itàłia
Rejon	Vèneto
Provinsa	Bełun
Capitałe	Don (it)
Popołasion
Totałe	518 (2023)
Densità	10,68 hab./km²
Zènaro
Demònemo	gosaldini ,
Zeografia
Àrea	48,48 km²
Altitùdene	1 141 m
Rente a	Rivamonte Agordin ; Voltago Agordin ; Cèzio major ; Sagron Mis ; Taibon Agordin ; Sèdego ; Sospiroło ; Primiero San Martino di Castrozza (it)
Dati istòreghi
Dì festivo	Festa patronałe(15 de setenbre)
Patrono	Maria Dołorada
Còdazi de identifegasion
Còdaze postałe	32020
Còdaze de matricołasion	BL
Prefiso tełefònego	0437
ID ISTAT	025025
Còdaze catastałe de Itàlia	E113
Sito web	comune.gosaldo.bl.it…

Gozaldo (pronunsià Gozalt, ciamà in Italian Gosaldo e par ladin Gosàlt) al ze an comun de 885 abitanti de la provincia de Bełun. Al capoluogo al ze Don (1141mslm).

Storia

Al paess al ze stat ciapà in maniera seria da la aluvion del 4 novenber 1966, quando che el fea pi de domili abitanti. La aluvion la ga menà via frasion intiere, le vie de comunicasion le ze state serade e qualcheduna la ze stata messa a posto dopo trenta ani. Al paess tanto par la posision descomeda che par sti fati al ga subì an calo de popolasion.

Frasion

Tiser

A 940mslm. Al paess al ze te la alta Val del Mis, a redoss del Parco Nasional Dolomiti Belunesi. La parochia de Tiser, dedicada a San Bartolomeo, la nass inte la prima metà del 1600 e lora la contea 1000 abitanti. La economia del posto in prensipio la era ligada a le miniere de cinabro (miniera de Vallalta) e de la vesina miniera de calcopirite de la Val Inperina. Serti segn de ricerche minerarie i ze del 1400 a opera de minator todeschi. Pi tardi al posto al ze stat sot del Inpero Austro-Ungarico e sot de la republica de Venesia. La đent del posto la laorea inte le miniere o comunque in funsion de quele. La agricoltura no la ze mai stata la economia principal. Al paeset al ze famoss par la tradision dei consa che da qua i partia par l'Italia e par i Stati confinanti co pochi arte par far e inpajar carieghe. I consa par difender al so saer e par parlarse intrà de lori sensa esser intendesti i se ga inventà an so gergo ciamà "Scapelament del consa". Al gosaldin Giocondo Dalle Feste del 2003 al ga publicà an disionario de le parole de sto gergo.

Forsela Aurine

Quota su el livel del mar 1300m. La frasion la ospita struture par al turismo estivo e invernal e la ze te el altipian a i piei del Agner e de la Croda Granda. La frasion, piciola assei, la ze abitada pi che sia da turisti (i paesani i ze 19).