Oreste Cinquini

Oreste Cinquini (Viareggio, 16 otobre 1947 xe un dirigente sportivo itałian

Cariera

Da xovene el xe stà xogador de squadre diłatentische toscane, infra łe cuałe el Forte dei Marmi.

Ła so cariera da dirigente inte el mondo del bałon taca inte ła stajon 1995/96 a ła Fiorentina che in queł'ano gà vinto ła so quinta Copa Itałia; qui el resta par do stagion in Serie A. Da ła stagion 1998/99 el pasa al Bołogna, indove el resta par tre stagion lavorando a streto contato co i mister Carlo Mazzone, Sergio Buso e Francesco Guidolin. Inte el 2002 el pasa par do stagion a ła Lazio che gà vinto ła Copa Itałia inte el 2004 soto ła guida de Roberto Mancini. Sucesivamente el xe dirigente par na stagion (2004/2005) a l'Udinese e par queła sucesiva al Parma. Inte el zugno 2006, dopo mexi de cortixamento ^[1], el prexidente del Cagliari Massimo Cellino riesse a portarlo in Sardegna e ghe fida el ròło de diretor xenerałe. Ła so aventura in tera sarda dura parò ben poco, Cellino infati gà decixo de a gestìr eło el calcio mercà in prima parsona. e Cinquini, anca se el ga łigà de łe bone tratative, xe sotoposto a łe decixion del Prexidente, che dopo na partensa disastroxa de canpionato el decide de łibararse de łù.

Inte el zugno 2007 alcune voxe ło vede visin a ciapàr el posto de Bettega a ła Juventus. Dopo na stagion de inatività, durante ła cuała parò el deventa oservator esterno del Spesia ajutando un fià sta società sol squaxi fałimento ^[2], el 18 lujo 2008 el firma col Pisa co ła funsion de responsàbiłe de l'area tecnica, società in cui el se ritrova co un amigo de vecia data (come ch'el gà afermà łù) ^[3], Giampiero Ventura. Par lù se trata de ła prima volta cofà dirigente de na squadra de Serie B. El 24 xenaro 2009 dopo l'enesima sconfita avùa col Groseto par 4-1 el vien licensià da ła società neroaxura ^[4]. Tutavia, el prexidente Pomponi, se remagnarà presto ła paròła. Oreste Cinquini vien reintegrà in organico, e inte el marcà invernałe (xenaro 2009) el tołe tre novi xogaodori: el defensor (Leonardo Bonucci (da l'Inter, via Trevixo, el sentrocanpista Emanuele d'Anna (dal Cèo e l'atacante Mirko Antonucci dal (Catania). I interventi sol marcà no bastarà comunque al club toscan par catàre ła salvesa inte el canpionato cadeto.

El 21 zugno 2011 el riva a l'Union Venesia che xe in Serie D, ciamà dai novi pròpietari Russi.

Senpre co sta società el vinse el scudeto de ła serie Diłetantistega e inte el mexe de ługio, dopo aver ciamà in società Andrea Gazzoli, ex dirigente del Groseto Calcio, el riseve na ciamàda in Rusia par andar ad agiutar Fabio Capello, novo ałenador de ła nasionałe Rusa, na ocaxion che no'l pol farse scanpar e cussì el łasa el Venesia.