Ovis aries
  | |
| Dati | |
|---|---|
| Prinsipałe fonte ałimentare | erba, fibra alimentare (it)  , fjen, forb (en) , Bromus tectorum, Euphorbia virgata, Pueraria thomsonii, Centaurea maculosa e sagebrush (en) |
| Fonte de | sheep wool (en) , sheepskin (en) e latte di pecora (it) |
| Tasonomia | |
| Clase | Mammalia |
| Órdene | Artiodactyla |
| Fameja | Bovidae |
| Tribù | Caprini |
| Zènare | Ovis |
| Spece | Ovis aries L., 1758 |
Ła piègora o pégora o feđa (Ovis aries, Łineo 1758) el xe un mamìfero, de ła famégia dei bovidi, xenere Ovis.
Se trata de n'anemal domesticà fin da ténpi antighìsimi, catà deso in ogni continénte. Ła vive prinsipalmente in ciàpoł, e par gestirla l'omo el se fida de frecuente a cani pastóri.
El nome piègora (el łatin pecus el xe un tèrmine che el endegava ogni anemal de arlevamento e daspò el xe pasà a soło sta spece) el xe reservà al'individuo fémena cresùo, el masc-io el se ciama molton o monton o bék, mentre el pìcoło el xe ciamà agneło o gnelòt o ciot fin a un ano de età.
Ła piègora ła xe arlevada par ła late, par ła carne e par ła łana. Sta qua, che ła xe el peło de ła piègora, ła xe doperà fin dai ténpi veci come fibra tèsiłe. Ła soa mantiłia, che ła xe xe toxà ogni ano al'inisio del'istà, ła fornise łana de quałità desferénte a seconda de ła rasa del'anemal e de ła parte del corpo da ła qual ła vien fora.
Ła late come béver ła xe tanto manco difondesta de queła de vaca, parò el xe doparà parécio 'ntel'industria par ła produsion de formagio piegorin e puina. In particołar, ła łate de piègora ła xe più rica de grasi e i soi prodoti i prexenta n'aroma più marcà.
I agnełi i xe arlevai prinsipalmente par ła carne, soło na parta ła xe infati fata créser par èser destinada a ła reprodusion. Xe tradision difondesta in molte xone d'Itałia magnar carne de agneło inte el dì de Pascua; l'agneło el xe, del resto, la bestia sacrifegal par ecełensa inte łe culture che łe se fasa sul basin del Mediteraneo.
Na rasa tipica e autoctona del Veneto ła xe ła piègora alpagota che ła vien arlevada par ła carne, in spece queła del'agneło, l'agneło d'Alpago.
Inte un mucio de xone del'Itałia sentral l'agneło da łate, overosia co póco più de un mexe de vita, da tanti preferio par ła carne tènera, el xe ciamà "abbacchio".
I xe paréci a considarar ła piègora n'anemal sénpio: sta credénsa ła xe creada dal fato che łe xe davèro spauróxa e ła se defénde unéndose in grupi conpati. Studi dei ùltimi ani[1] i ga demostrà che sta roba ła xe conpleamente falsa: łe piègore łe xe intełigénti e łe xe bone a reconoser fin a sinquanta altre piègore soło da ła fasa e łe ga anca na bona memoria.[1] Łe piègore łe ga ła tendénsa de seguir na fémena più savia piutosto che un mas-cio dominante.[2]
Fonte
Varda anca
Altri projeti
Wikimedia Commons el detien imàjini o altri file so Ovis aries
el detien schemi gràfeghi so
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
