Piasal Roma

	Piasal Roma
Dati
Sorte	Piasa e autostazione (it)
Costrusion	1933
Pozision
Rejon aministrativa	Venèsia (Itàlia)
	45°26′16″N 12°19′07″E

Piasal Roma el ze el prinsipal znodo par pasar da ła teraferma el nucleo storègo de ła sità de Venesia, inaugurà el 25 avrìl 1933 come zvincoło de'l novo ponte "Littorio", deso Ponte de ła Łibartà.

El terminal de piasal Roma el ze el ponto fondamental de intarscanbio tra mezi pùbleghi so strada (autobus, pullman turìsteghi e taxi) e łagunari (vaporeti e motoscafi) che i zmista rezidenti e turisti. El reseve, inaxónta, grandi parchegi a pagamento par chi che sosta e el ga intension de fermarse in sità. El piasàl el ospita anca el caołinea de ła łinea 1 de ła tranvia de Mestre.

Ze ativo el people mover, che'l parmete de rivar a'l Troncheto in 3 menuti, pasando par la Marìtema.

El cołegamento pedonal direto de Piasal Roma co ła visina (stasion feroviaria de Santa Łusia) Stasion de Santa Łusia el ze segurà atraverso el novo Ponte de ła Costitusion so'l Canal Grando, progetà da l'architeto Santiago Calatrava.

Inte łe visinanse de'l piasal sorze i zardini Papadopołi. Za in èpoga fasista se ga capìo l'inportansa de'l sito, tanto che par ła porta automobiłistega de Venesia zera stài fati un mucio de progeti de recuałifegasion mai portài a tèrmene. So'l piasal A se afasa na inponénte autorimesa in stiłe rasionałista, concepìa durante el vintenio fasista come el pì grando parchegio automobiłiistego de'l mondo.

El sindico Massimo Cacciari, proponendo a fin agosto 2008 el nome "Ponte de ła Costitusion" par el cuarto ponte so'l Canal Grando, el ga anca proponesto de rebatizar Piasal Roma (topònemo asenjà in èpoga fasista) co'l nome de l'antifasista ed europeista Silvio Trentin, notando łe dificoltà conseguenti al mutamento de un nome fortemente iraizà e conosùo^[1].

Autołinee

El piasal el ze caołinea de 18 łinee urbane e de 9 łinee extraurbane ACTV. Inte'l piasal se ghe intesta anca ła łinea Busitalia-Sita Nord Montegrotto - Padoa - Venesia - Tesera.

Bus urbani/extraurbani

2 Venesia - Viale don Sturzo (corsia A5)
4 Favaro Via Altinia/Ca'Noghera/Marcon - Corso Del Popolo - Venesia (corsia A4)
4L Via Colombo - Corso Del Popolo - Venesia (corsia A4)
5 Aeroporto - San Zulian - Venesia (corsia A1)
6 Spinea - Piazza Sant'Antonio - Venesia (corsia A3)
6L Mestre - Venesia (corsia A7)
7 Spinea - Mestre - Venesia (corsia A2)
7L Gaxera - Venesia (corsia C3 soło che arivo, partensa da corsia A2)
12L Piazza 27 Ottobre - Venesia (corsia A8)
19 Marcon/Favaro - Canpalto - Venesia (corsia B2)
24 Venesia - Mestre - Venesia (corsia A6)
24H Auchan - Spedal Dell'Angelo - Venesia (corsia A6)
43 Venesia - Mestre FS (corsia A8)
66 Chirignago - Marghera - Venesia (corsia A3)
80 Trivignano - Spedal Dell'Angelo - Venesia (corsia A7)
84 Dexe FS - Favaro - Venesia (corsia B1)
N1 Venesia - Viale San Marco - Stasion FS - Venesia (linea noturna/corsia A5)
N2 Venesia - Piazza Sant'Antonio - Viale San Marco - Venesia (linea noturna/corsia A5)
4D Noałe - Miran - Venesia (soło che corse direte/corsia B3)
7 Miran - Chirignago - Venesia (corsia A2)
7D Miran - Venesia (linea direta/corsia B3)
12 Scorsè - Mojan/Venesia (arivo e partensa corsia B4)
53 Pàdoa - El Doło - Venesia (corsia B7)
54R Bojon - Venesia (corsia B5)
57 Mełaredo - Oriago - Venesia (corsia B5)
58R Venesia - SS Romea - Pegolotte - Cavarzere (corsia B5)
67R Piove de Saco - SS Romea - Montefibre/Venesia (corsia B5)