Уладзімір Іванавіч Куранкоў

Уладзі́мір Іва́навіч Куранкоў (1953, Баранавічы, Брэсцкая вобласць) — беларускі дзяржаўны дзеяч, першы міністр прамысловасці Рэспублікі Беларусь (1994—1996).

У 1975 годзе скончыў Беларускі політэхнічны інстытут. Пасля гэтага працаваў на Мінскім аўтамабільным заводзе, прайшоў там шлях ад радавога інжынера да намесніка Генеральнага дырэктара.

У 1991 быў прызначаны кіраўніком Дзяржаўнага камітэта па прамысловасці і міжгаліновых вытворчасцях, які пасля быў ператвораны ў Міністэрства прамысловасці.

22 верасня 1994 года Указам Прэзідэнта № 117 быў прызначаны Міністрам прамысловасці Рэспублікі Беларусь.

23 студзеня 1996 года Указам Прэзідэнта «за неналежнае кіраўніцтва галіной, якое выказалася ў непрыняцці неабходных мер па пераадоленні спаду вытворчасці ў прамысловасці» вызвалены ад пасады міністра прамысловасці Беларусі.

• Старонка на сайце Прэс-Дасье(недаступная спасылка)