Аляксандр Уладзіміравіч Яфімаў

Аляксандр Уладзіміравіч Яфімаў (нар. 18 кастрычніка 1983, Барысаў, Мінская вобласць, БССР) — беларускі дзяржаўны дзеяч. Міністр прамысловасці Рэспублікі Беларусь (з 2024).

У 2003 годзе скончыў Жодзінскі дзяржаўны палітэхнікум па спецыяльнасці «Тэхналогія абсталявання і аўтаматызацыя машынабудавання».

У 2009 годзе скончыў Беларускі нацыянальны тэхнічны ўніверсітэт па спецыяльнасці «Тэхналогія машынабудавання». У 2013 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «Інавацыйны менеджмент».

З 2003 па 2007 год працаваў на Мінскім прыборабудаўнічым заводзе аператарам станкоў з праграмным упраўленнем.

З 2007 па 2022 год працаваў на «Амкадоры» — аператар станкоў, майстар, начальнік участка, начальнік механазборачнай вытворчасці, намеснік генеральнага дырэктара па вытворчасці і якасці, генеральны дырэктар.

З 2022 года па чэрвень 2024 года — намеснік Міністра прамысловасці Рэспублікі Беларусь.

27 чэрвеня 2024 года празначаны Міністрам прамысловасці Рэспублікі Беларусь^[1].

• Ганаровая грамата Міністэрства прамысловасці (2017);
• ганаровая грамата Мінскага гарадскога выканаўчага камітэта (2022).

• Биография Ефимова А. В.
• ЗАМЕСТИТЕЛЬ МИНИСТРА ПРОМЫШЛЕННОСТИ ЕФИМОВ А. В.