Чырвонаслабодскі раён

Чырвонаслабодскі раён
Краіна	БССР  СССР
Уваходзіць у	Беларуская ССР
Адміністрацыйны цэнтр	Чырвоная Слабада
Дата ўтварэння	17 ліпеня 1924
Дата скасавання	8 жніўня 1959
Насельніцтва	30 141 чал. (1926)
Плошча	916 км²

Чырвонаслабо́дскі раён — адміністрацыйна-тэрытарыяльная адзінка ў складзе Беларускай ССР, якая існавала ў 1924—1959 гадах. Цэнтр — вёска (з 15 ліпеня 1935 — мястэчка, з 27 верасня 1938 — гарадскі пасёлак) Чырвоная Слабада.

Чырвонаслабодскі раён быў утвораны 17 ліпеня 1924 года ў складзе Слуцкай акругі. 20 жніўня 1924 года падзелены на 12 сельскіх саветаў: Бялевіцкі, Бучацінскі, Жываглодавіцкі, Жыліхаўскі, Замагільскі, Макранскі, Малышэвіцкі, Семежаўскі, Смоліцкі, Старыцкі (Старчыцкі), Чапліцкі, Чырвонаслабодскі.

У 1926 годзе плошча раёна складала 916 км², а насельніцтва 30,1 тысячу чалавек. У 1927 годзе раён з ліквідацыяй Слуцкай акругі быў перададзены ў Бабруйскую акругу. У 1930 годзе, калі была скасаваная акруговая сістэма, Чырвонаслабодскі раён перайшоў у прамое падпарадкаванне БССР. У 1935 годзе ўключаны ў склад зноў утворанай Слуцкай акругі. 15 ліпеня 1935 года скасаваны Чырвонаслабодскі сельсавет. Пры ўвядзенні абласнога дзялення ў 1938 годзе ўключаны ў Мінскую вобласць. 27 лютага 1938 года Старыцкі (Старчыцкі) сельсавет перайменаваны ў Акцябрскі з цэнтрам у вёсцы Акцябр.

У 1944—1954 гадах уваходзіў у Бабруйскую вобласць. Пасля ліквідацыі апошняй вернуты ў Мінскую вобласць.

Па дадзеных на 1 студзеня 1947 года раён меў плошчу 0,7 тыс. км². У яго склад уваходзіў гарадскі пасёлак Чырвоная Слабада і 11 сельсаветаў: Бялевіцкі, Бучацінскі, Жывагладовіцкі, Жыліхаўскі, Замагільскі, Акцябрскі, Малышэвіцкі, Макранскі (цэнтр — в. Задвор’е), Семежаўскі, Смоліцкі, Чапліцкі. 16 ліпеня 1954 года Бялевіцкі, Замагільскі і Макранскі сельсаветы скасаваны, Чапліцкі сельсавет перайменаваны ў Танежыцкі.

8 жніўня 1959 года Чырвонаслабодскі раён быў скасаваны. Акцябрскі, Жываглодавіцкі сельсаветы, гарадскі пасёлак Чырвоная Слабада з падпарадкаванымі пассавету населенымі пунктамі Зацішша, Колас, Малы Рожан, Стары Дуб, Шыбіна, а таксама вёскі Мазалі, Пірачыцы, Пружанка і пасёлкі Ветка, Гаць, Герасімаўка, Грыбаўня, Дзедавічы, Доўгае, Зайкава, Ленавічы, Лапаціна, Новы Луг, Падарожжа, Раёўка, Танежыцкай МТС, Ябланава Танежыцкага сельсавета — у склад Старобінскага раёна; Бучацінскі, Жыліхаўскі, Семежаўскі, Смоліцкі сельсаветы і населеныя пункты Эвалінава, Ракіні і Талмачава, падпарадкаваныя Чырвонаслабодскаму пассавету, увайшлі ў склад Капыльскага раёна; Малышэвіцкі, а таксама вёскі Замошша, Пятніцы, Танежыцы, Чапліцы і пасёлак Чапліцы Танежыцкага сельсавета — у склад Слуцкага раёна^[1].

• Административно-территориальное устройство БССР: справочник: в 2 т. / А.И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.
• Административно-территориальное устройство БССР: справочник: в 2 т. / С.Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.).
• Белорусская ССР: Краткая энциклопедия. В 5-ти т. Т. 1 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 1. — 768 с. — 50 000 экз. (руск.)
• Белорусская ССР. Административно-территориальное деление на 1 января 1947 года. — Мн.: Гос. изд-во БССР, 1947. — 300 с. — 10 000 экз.