Жыццё іншых

Жыццё іншых
ням.: Das Leben der Anderen
Жанр	драматычны фільм[4][5][…], трылер[d] і political thriller film[d]
Рэжысёр	Флорыян Хенкель фон Донерсмарк[d][6][7][…]
Прадзюсар	Quirin Berg[d][8] Max Wiedemann[d][8]
Сцэнарыст	Флорыян Хенкель фон Донерсмарк[d][9][10][…]
У галоўных ролях	Ульрых Мюэ[d][6][11][…] Себасцьян Кох[d][6][9][…] Марціна Гедэк[d][6][9][…] Ульрых Тукур[d][6][9][…] Томас Тымэ[d][6][9][…] Герберт Кнаўп[d][6][9][…] Басціян Трост[d][9][11][…] Вернер Даен[d][9][11][…] Ганс-Увэ Баўэр[d][6][9][…] Фолькмар Кляйнерт[d][6][9][…] Маціяс Брэнер[d][6][9][…] Чарлі Гюбнер[d] Гінерк Шонемен[d] Марцін Брамбах[d][12] Фолькер Міхалоўскі[d][12] Гіта Швайггёфер[d][12] Людвіг Блохбергер[d][12] Пауль Фаснахт[d][12] Гільдэгард Шротэр[d][12] Кай Іва Баўліц[d][12] Інга Біркенфельд[d][12] Пауль Максіміліян Шулер[d][12] Губертус Гартман[d][12] Марыя Грубер[d] Gabi Fleming[d]
Аператар	Хаген Багданскі[d][8]
Кампазітар	Габрыэль Ярэд[8] Стэфан Муша[d][13][8]
Кінакампанія	Wiedemann & Berg Television[d][14], Баварскае радыёвяшчанне[d][14], Arte[d][14] і Creado Film[d][14]
Працягласць	137 хв.
Краіна	Германія[15]
Мова	нямецкая
Год	15 сакавіка 2006[1] і 23 сакавіка 2006[2][3]
IMDb	ID 0405094
Афіцыйны сайт

«Жыццё іншых» (ням.: Das Leben der Anderen) — нямецкі драматычны фільм 2006 года^[16], дэбют сцэнарыста і кінарэжысёра Флорыяна Хенкеля фон Донэрсмарка.

Фільм паказвае жыццё ў ГДР. Адмысловая служба Штазі жорстка кантралюе жыццё грамадзян і асабліва культурных дзеячоў.

Прэм’ера фільма адбылася 15 сакавіка 2006 года ў Берліне^[17]. У гэты самы час кінасцэнарый фільма быў надрукаваны нямецкім выдавецкім домам «Suhrkamp Verlag^[en]».

Фільм атрымаў намінацыю на прэмію «Залаты глобус» і стаў лаўрэатам прэміі «Оскар» 2007 года ў катэгорыі «Найлепшы фільм на замежнай мове». Раней, у Германіі, фільм атрымаў сем «Нямецкіх кінапрэмій», у тым ліку ў катэгорыях «Найлепшы фільм», «Найлепшы рэжысёр», «Найлепшы сцэнарый», «Найлепшы акцёр» і «Найлепшы акцёр другога плана». Фільм быў прадстаўлены ў 11 намінацыях, і тым самым усталяваў новы рэкорд па колькасці намінацый на галоўную кінапрэмію Германіі.

Касавыя зборы кінастужкі склалі больш за 77 млн. долараў пры бюджэце ў 2 млн. долараў^[18].

Усходні Берлін, 1984 год. Адмысловая служба Штазі жорстка кантралюе жыццё грамадзян. Фанатычнаму агенту капітану Герду Візлеру прапануюць сачыць за драматургам Драйманам і ягонай сяброўкай. Аперацыя праходзіць пад пільным кантролем найвышэйшых палітычных колаў. Выкананне задання абяцае кар’ерны ўзлёт. Але заглыбіўшыся ў чужое жыццё, Візлер змяняецца сам. Шэры вінцік сістэмы сам становіцца чалавекам. Аднак рэпрэсіўную машыну ўжо не спыніць…

The Lives of Others: Original Motion Picture Score
Саўндтрэк Габрыэля Ярэда і Стэфана Мушы
Дата выпуску	05.02.2007[19]
Жанр	акадэмічная музыка, саўндтрэк
Працягласць	29:23
Краіна	Германія
Лэйбл	Varèse Sarabande
Прафесійныя рэцэнзіі
Soundtrack.Net [19]

Музычнае суправаджэнне да фільма напісалі кампазітары Габрыэль Ярэд і Стэфан Муша. Саўндтрэк быў выпушчаны 5 лютага 2007 года лэйблам Varèse Sarabande. Усе кампазіцыі ў саўндтрэку выконвае Пражскі філарманічны аркестр^[en], дырыжор — Адам Клеменс^[20].

Прэм’ера фільма адбылася 15 сакавіка 2006 года ў Берліне. Карціна дэманстравалася на міжнародных кінафестывалях у Лакарна (6 жніўня), Тэльюрайдзе (3 верасня), Таронта (7 верасня), Хельсінках (17 верасня), Севільі (5 лістапада)^[17].

Паводле інфармацыі сайта «Internet Movie Database» фільм быў адзначаны 80 кінаўзнагародамі і яшчэ 37 намінацыямі^[21]. Сярод іх 7 «Нямецкіх кінапрэмій», 3 «Еўрапейскія кінапрэміі», па адной прэміі «BAFTA», «Сезар» і «Оскар».

• Жыццё іншых на сайце «AllMovie» (англ.) (на 07.09.2020)
• Жыццё іншых на сайце «FilmAffinity» (англ.) (на 07.09.2020)
• Жыццё іншых на сайце «Internet Movie Database» (англ.) (на 07.09.2020)
• Жыццё іншых на сайце «Metacritic» (англ.) (на 07.09.2020)
• Жыццё іншых на сайце «Rotten Tomatoes» (англ.) (на 07.09.2020)
• Жыццё іншых на сайце «КиноПоиск» (руск.) (на 07.09.2020)