Nananasoj
Aŭstralia nananaso
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Anseroformaj Anseriformes Familio: Anasedoj Anatidae Subfamilio: Anasenoj Anatinae Genro: Nettapus
Genroj de subdivizioj
Nettapus pulchellus Nettapus coromandelianus Nettapus auritus
Aliaj Vikimediaj projektoj
Sistematiko en Vikispecioj
Komunejo pri Nananasoj
v • d • r

La Nananasoj aŭ Anserkrekoj estas grupo de tre malgrandaj "kairinenoj" en la genro de Nettapus kiuj reproduktiĝas en malnovmondaj tropikoj. Ili estas la plej malgrandaj el ĉiuj Anseroformaj. Ĉar la "kairinenoj" estas parafiletika grupo,^[1] ili bezonas esti lokigitaj aliloken. La komence akceptita rilataro kun la subfamilio de plaŭdanasoj nome Anasenoj estis pridisputata, kaj ŝajne ili formas stirpon en antikva radiado de akvobirdoj en Gondvano, ene de kiu ili estas de neklara parencaro.^[2] Nepriskribita fosilia specio el malfrua Hemfiliano (5.0-4.1 mj) de Jalisco, centra Meksiko, estis identigita el finaĵo de tarsometatarso. Ĝi estas la ununura registro de tiu genro en la Nova Mondo.^[3]

Estas tri vivantaj specioj en la genro:

• Aŭstralia nananaso Nettapus pulchellus de norda Aŭstralio kaj suda Novgvineo.
• Azia nananaso Nettapus coromandelianus de Sudorienta Azio.
• Afrika nananaso Nettapus auritus de subsahara Afriko.

Ties habitatoj estas trankvilaj fluantakvaj lagoj, kie tiuj puraj anasoj manĝas semojn kaj alian vegetaĵaron, ĉefe de nimfeoj.

La Nananasoj havas mallongajn bekojn, rondoformajn kapojn kaj mallongajn krurojn. Ili nestumas en arbotruoj.

• Madge, Steve; Burn, Hilary. (1987) Wildfowl : an identification guide to the ducks, geese and swans of the world. Londono: Christopher Helm, p. 190–193. ISBN 0-7470-2201-1.

Portalo pri Birdoj