Atetz

Atetz
Nafarroa Garaia, Euskal Herria
Beuntzako eliza
Bandera Armarria
Kokapena
Herrialdea	Euskal Herria
Lurraldea	Nafarroa Garaia
Merindadea	Iruñea
Eskualdea	Ultzamaldea
Administrazioa
Estatua	Espainia
Erkidegoa	Nafarroa
Izen ofiziala	Atetz
Alkatea	Paula Ibero Baraibar (EH Bildu)
Posta kodea	31867
INE kodea	31040
Herritarra	ateztar
Geografia
Koordenatuak	42°56′22″N 1°42′35″W / 42.939444444444°N 1.7097222222222°W / 42.939444444444; -1.7097222222222
Azalera	17,1 km²
Garaiera	572 metro
Distantzia	19 km (Iruñetik)
Demografia
Biztanleria	227 (2025:  11)
96 (%42,3) (2019)  (%52,4) 119
Dentsitatea	1,33 bizt/km²
Zahartzea[1]	% 22,69
Ugalkortasuna[1]	‰ 0
Ekonomia
Jarduera[1]	% 75 (2011)
Desberdintasuna[1]	% 0 (2011)
Langabezia[1]	% 10,97 (2013)
Euskara
Euskaldunak[2]	% 64.3 + % 14.2 hartzaile (2021)
Kaleko erabilera [3]	%
Datu gehigarriak
Webgunea	http://www.atez.es/

Atetz^[4] ([atets̻]) Nafarroa Garaiko udalerria da, Iruñeko merindadekoa. Iruñetik 19 kilometrora dago. 26,40 kilometro koadroko eremua du eta 229 biztanle zituen 2025ko erroldaren arabera.

Iruñerriko Mankomunitatea arduratzen da zabor bilketa, ur-hornidura eta bestelako zerbitzuak eskaintzeaz, Iruñeko metropoli eremuko beste hainbat herritan bezala.

Atetz Iruñeko merindadearen iparraldean dago. Ultzamarekin du muga iparraldean, Imotzekin mendebaldean, Txulapainekin hegoaldean, eta Odietarekin ekialdean.

Klima azpiatlantiar motakoa da, baina ohikoa baino hezeagoa (1.600mm baino euri gehiago batzen da urte batean, batez beste). Tenperaturak 8 eta 10 gradu bitartekoak dira, uda epelak eta neguak hotzak. Urteko egun euritsuak 120-140 dira.

Udalerriko jatorrizko zuhaitzak haritzak eta pagoak ziren. Haritzak herrigunean eta behealdeko ibarretan zeuden, eta gunerik menditsuenetan, pagoak. Gizakiaren eragina dela eta, asko gutxitu zen zuhaitz horien azalera, eta gaur egun, ugariagoak dira birlandaturiko pinu lariziarrak (Pinus nigra) eta alertzeak.

Udalerria sei herrik osatzen dute: Aroztegi, Beuntza, Beratsain, Eguarats, Eritze eta Zigandak, eta 5 etxalde ere ditu: Amalain (1857ko errolda arte udala izan zuena), Beuntzalarrea, Egillor, Hiriberri eta Labaso.

Honako hau Wikidata bidez sortutako biztanleria grafiko automatiko bat da. Aldaketa bat egin beharrez gero, bertan egin dezakezu.

2008ko erroldaren arabera, Espainiaz kanpoko bederatzi etorkin bizi ziren herrian, biztanleriaren %3,67 (Nafarroa Garaiko batezbestekoaren azpitik).

2007an Hemengoak herri ekimeneko Miren Egozkue Goldaratz atera zen Atezko alkate lau zinegotzirekin. Atezko Herriak zinegotzi bakarra lortu zuen. 4 boto zuri izan ziren (botoen %2,25). Abstentzioa %24,26koa izan zen.

2011n hiru zerrenda aurkeztu ziren eta egoera aldatu egin zen: Atezko Herriak 4 zinegotzi, Hemengoak zerrendak bakarra eta Agrupación Independiente Valle de Atez izenekoak bat ere ez.

• HELBIDEA: San Migel Kalea, 1 (Eritze kontzejua)

Nafarroako Gobernuak onartutako Euskararen Foru Legearen arabera, Atetz eremu mistoko udalerria zen. 2017ko ekainaren 22an Nafarroako Parlamentuak eremu euskaldunera pasatzea erabaki zuen, udal horren eskaerari jarraituz. Horren ondorioz, herria eremu mistotik eremu euskaldunera pasatu zen.^[9]

Atetzeko euskara^[10] Erdiguneko Nafarreraren^[11] parte da, zehatzago, Ultzamako euskara^[12] da bertan hitz egiten den euskara.

• Nafarroako udalerrien zerrenda

• Jose Maria Jimeno Jurio (zuzendaria), Nafarroako toponimia eta mapagintza. L, Iruñea, 1998. ISBN 84-235-1138-3

Euskarazko Wikipedian bada atari bat, gai hau duena:
Nafarroa

• (Gaztelaniaz) Atezi buruzko informazioa Nafarroako gobernuaren webgunean.
• San Migel kalearen ikuspegia Google Street View-n.

	Atezko herriak
Kontzejuak: Aroztegi · Beratsain · Beuntza · Eguarats · Eritzegoiti · Ziganda Etxaldeak: Amalain · Beuntzalarrea · Egillor · Hiriberri · Labaso

	Ultzamaldeko udalerri aurkibidea
Anue • Atetz • Basaburua • Ezkabarte • Imotz • Lantz • Odieta • Olaibar • Ultzama