Eric Wieschaus

Eric Wieschaus
(2008) Irudi gehiago
Bizitza
Jaiotza	South Bend, 1947ko ekainaren 8a (77 urte)
Herrialdea	Ameriketako Estatu Batuak
Hezkuntza
Heziketa	Yale Unibertsitatea Notre Dameko Unibertsitatea John Carroll Catholic High School (en)
Hizkuntzak	ingelesa
Jarduerak
Jarduerak	biologoa, genetista eta katedraduna
Enplegatzailea(k)	Duke Unibertsitatea Princetongo Unibertsitatea  (1981 -
Jasotako sariak	ikusi Medikuntzako Nobel Saria  (1995) Arteetan eta Zientziatan Merituaren Ordena Genetics Society of America Medal  (1995) Wilbur Cross Medal  (2005) Keith R. Porter Lecture  (2002) Mendel Medal  (1999)
Kidetza	Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia European Molecular Biology Organization Amerikako Sozietate Filosofikoa
Sinesmenak eta ideologia
Erlijioa	katolizismoa

Eric Frank Wieschaus (South Bend, Indiana, AEB, 1947ko ekainaren 8a -) estatubatuar biologoa da.

Fisikako eta biologiako ikasketak egin zituen Estatu Batuetan, South Bend eta Yale unibertsitateetan. Suitza, Frantzia, Alemania eta Estatu Batuetan egin du lan, eta New Jerseyn (Princetoneko Unibertsitateko Biologia Molekularreko Sailean) aritu da azkeneko urteetan.

70ko hamarkadan, Nobel saridun Christiane Nusslein-Volhardekin ikasi zuen, Heidelbergeko Biologia Molekularreko Europar Laborategian, helburu berarekin biek: drosofila euliaren arrautza enbrioi zatikatu nola bihurtzen zen aurkitzea. Urtebeteko lanaren ondoren, hamabost gene desberdin bereizi zituzten, eta gene horietan aldaketak eginez gero enbrioiaren zatikatzean akatsak sor zitezkeela aurkitu zuten.

1980an argitaratu zituzten lehenbiziko ondorioak, umekiaren garapena kontrolatzen duten geneak gen jakin batzuk direla zehaztu ondoren. Lan horri esker, Medikuntzako Nobel saria jaso zuen 1995ean, Christiane Nüsslein-Volhard alemaniarrarekin eta Edward B. Lewis estatubatuarrarekin batera.