Foro Boarioa
| Foro Boarioa | |
|---|---|
| forum Boarium | |
 | |
| Kokapena | |
| Herrialdea |  Italia |
| Italiako eskualdeak |  Lazio |
| Italiako hiri metropolitarra | Erromako hiri metropolitarra |
| Muga-hiri | Erroma |
| Koordenatuak | 41°53′20″N 12°28′52″E / 41.888888888889°N 12.481111111111°E |
 | |
Foro Boarioa (latinez: Forum Boarium edo Bovarium), Tiber ibaiaren ezkerraldeko ibarrean zegoen Antzinako Erromako toki bat zen, Aventino eta Kapitolio muinoen artean. Foro Boario bezala, toki berean zegoen plaza bat ere ezagutzen zen, non animalia merkataritza egiten zen.
Deskribapena
Aipaturiko eremuaren mugak honako hauek ziren: Zirku Nagusia hego-mendebaldean, Velabroa ipar-mendebaldean, non Janoren Arkua eta Argentarioen Arkua aurkitzen ziren, azken hau, eremurako sarrera zen ate monumental bat, Vicus lugariusa, Kapitolioaren maldara iparraldean, Tiber ibaia mendebaldean eta Aventinoa hegoaldean. Tokia, VIII (Forum Romanum) eta XI (Circus Máximus) augustoar eskualdeen artean banatua zegoen.
Antzinako hiriko azokagunea zen, Tiber ibaiaren harana zeharkatzen zuten bideek bat egin zuten tokian, eta Etruria Campaniarekin lotzen zuten bideek bat egiten zuten tokian kokatua, lehena etruriarrek domeinatutakoa eta bigarrena greziarrek. Bide elkarketa honetan, Tibertar Uhartea dago, zeharkatzeko erraza, eta, neurri batean, Erroma, dagoen tokian egotearen arduraduna dena. Inguru honetatik sarri ibiltzen ziren greziar merkatariak jada Erromaren sorreraren garaian, K.a. VIII. mendearen erdialdean. Ibaiaren ibarrak, Erromaren ibai portua eratzen zuen (portus Tiberinus), gainontzeko ingurua bezala, atzerritarrentzat irekia zegoena, eta, beraz, hiriaren perimetrotik kanpoalderakotzat hartua, eta Serviar Harresietatik kanpo kokatua. Hemen, oso antzinako santutegi bat zegoen, Herkulesen aldare nagusia, hasiera batean, Melkart jainko feniziarrarekin lotutako jainko bati eskainia, eta, ondoren, Herkulesi.
Monarkiaren garaian, Sublizio Zubia eraikitzen da, zurezkoa, Anko Martzioren erregealdian, Servio Tuliok, bere erregealdian, eta Pyrgi etruriar itsas hiriko santutegi baten imitazio gisa, Fortuna eta Mater Matutaren omenezko bigarren tenplu bat eraikitzea agintzen duelarik (tenplu honen hondarrak, San Omobonoko gune sakratuan egindako indusketetan argitara eman direlarik).
Azoka zein Tiberreko portuak, denbora luzez jarraitu zuten hiriko perimetrotik at, ibaitik urrutien dagoen zatia, K.a. IV. mendean egindako harresien zabalkuntzaren barnean hartua den arren, Puerta Trigemina delakoa irekitzen zen tokian. Toki honetan gertatzen da, K.a. 212an, gladiadoreen arteko lehen borroka, Marko Giunio Bruto Peraren omenezko hil jokoen zati bezala.
Toki berean kokatua izan zen zezen bat irudikatzen zuen brontzezko estatua bat. Eskultura, Eginako konkistatik zetorren, Publio Sulpizio Galbaren eskutik, K.a. 210ean. Foro Boarioa, ziur aski bere izaera eta kokapenagatik, K.a. 213, K.a. 203 eta K.a. 196an suteen biktima eta K.a. 363, K.a. 202, K.a. 193 eta K.a. 192an uholdeen biktima izan zen. Tokian, zenbait gurtza eraikin zeuden: Jada aipatutako Herkulesen Aldare Nagusia, Matuta eta Fortunaren omenezko tenpluak kasu. Baita Portunusen Tenplua ere.
Kanpo estekak
Datuak: Q283650
Multimedia: Foro Boario (Rome) / Q283650
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
