GR 283

GR 283 edota Idiazabalgo gaztaren ibilbidea Gipuzkoako Goierri, Urola Garaia eta Debagoiena eskualdeetan barna doan ibilbidea da. Bere izenak Idiazabalgo gaztari aipamena egiten dio. Gipuzkoako Foru Aldundiko Berrikuntza, Landa Garapen eta Turismo Sailak sustatutako eta Gipuzkoako Mendizale Federazioak homologatutako ibilbidea da.

2014ko martxoaren 21an Seguran ibilbidearen aurkezpena egin zen, ekitaldi horretan Joxe Ramon Agirre Marron eta Alex Txikon mendizaleak, eta Ohiana Kortazar mendi lasterkaria egon ziren, Ondarre baserriko Felix Goiburu artzainak Txikon eta Kortazarri gazta bana eman zielarik.^[1][2]

Ibilbide zirkularra da, 6 etapez osatua dago eta denera 95,7 kilometro luze ditu. Malda pilatua berriz 9,777 metro, malda positiboak 4,920 metro eta negatiboak 4,857 metro dituelarik. Egunero etapa bat egiteko pentsatua dago. Aldiz, ibilbidearen punturik garaienak 1.200 metro ditu, eta baxuenak 150 metro.

Ibilbidearen iparraldeko mugak Ordizia eta Beasain dira, ekialdeakoa Zaldibia, mendebaldekoak Legazpi eta Oñati, hegomendebalde eta hegokialdekoak Araba eta Nafarroako udalerriek adierazten dute.

Ibilbide honetan zehar Idiazabalgo gaztaren ekoizpen zikloa hasietatik amaierarte ezagutzeko aukera eskeintzen da: Aralarko eta Aizkorri-Aratz Parke Naturaletako larretan dauden ardi latxak, gaztandegiak eta merkaturatzen den Ordiziako azoka, bai eta izen ematen dion Idiazabal udalerria ere.

Ibilbidea honako etapa hauek osatzen dute, halere, ibilbidea zirkularra denez ez da derrigorrezkoa hemen aipatzen den orden berdinean burutzea, norberak nahi duen tokian hasi eta amaitu baidezake:

• 1. etapa: Segura - Mirandaola
• 2. etapa: Mirandaola - Arantzazuko santutegia
• 3. etapa: Arantzazuko santutegia - Etzegarate
• 4. etapa: Etzegarate - Lizarrusti
• 5. etapa: Lizarrusti - Ordizia
• 6. etapa: Ordizia - Segura

• Idiazabalgo gaztaren ibilbidearen webgunea (Gaztelaniaz)

Euskal Herriko ibilbide luzeak

GR 1: Bidezidor historikoa • GR 9: Probintzien Abelbide Erreala • GR 10: Pirinioetako ibilbidea (iparraldetik) GR 11: Pirinioetako ibilbidea (hegoaldetik) • GR 12: Euskal Herriko ibilbidea • GR 13: Erronkariarren abelbidea GR 20: Aralarreko buelta • GR 21: Inazio bidea • GR 25: Arabako lautadaren buelta GR 34: Donostia - Arantzazu • GR 35: Lizarrusti - Zumaia • GR 38: Ardoaren eta arrainaren bidea GR 65: Donejakue bidea: GR 65.3: Nafarroa, Donejakue bidea • GR 98: Urdaibaiko biosferaren erreserbaren buelta • GR 120: Inaziotar bidea / Hiru Tenpluen ibilbidea • GR 121: Gipuzkoako bira • Talaia ibilbidea: Gipuzkoako kostaldea (GR 121aren zatia) • GR 123: Bizkaiko bira GR 220: Iruñeko Arroko bira • GR 228: Bilboko ibilbide luzea • GR 229: Mikeldi bidea • GR 280: Uribe Kostari bira GR 283: Idiazabalgo gaztaren ibilbidea • GR 286 : Araindarri Hiru Tenpluen Ibilbidea • GR 321: Erronkariko Errege Bidea • E 9: Oinezko ibilbide europarra Beste batzuk: Xabierraldia • Bidasoko bide berdea • Plazaolako bide berdea • Done Jakue Bidea • Kostaldeko bidea • Euskal Herriaren barnealdeko bidea • Baztango bidea • Errobiko bidea • Frantses bidea • Inaziotar bidea