Planeta anano

Un planeta anano e unha categoría de corpos celestes no sistema solar acordada pola Unión Astronómica Internacional (IAU) o 24 de agosto de 2006. Esta resolución describe un planeta anano coma un obxecto que:

está na órbita arredor do Sol;
a súa gravidade supera as forzas do corpo ríxido e asuma unha forma en equilibrio hidrostático (practicamente esférica);
non limpou o espazo circundante da súa órbita;
non é un satélite dun planeta ou doutro corpo non estelar.

Esta definición incorpora a Plutón entre os planetas ananos, e deixa de ser planeta porque non liberou o espazo circundante da súa orbita, o Cinto de Kuiper, e o seu planeta dobre Caronte.

Listaxe de planetas ananos

A IAU identificou oficialmente tres corpos celestes que inmediatamente recibiron a clasificación de "planeta anano":^[1]

**Planetas ananos**
Obxecto	Tipo	Diámetro (km)	Masa (kg)
Nome	Categoría	Diámetro	Masa
Ceres	Asteroide	975×909 km	9.5 × 10²⁰ kg
Plutón	Plutoniano	2306±20 km	~1.305 × 10²² kg
Haumea	Plutoniano	1.150 (−100 +250) km	4,006 ± 0,040 × 10²¹ kg
Makemake	Plutoniano	1.300–1.900 km	~4 × 10²¹ kg
Eris	Obxecto disco espallado	2400 km ± 100 km	descoñecida

Adicionalmente, hai outros corpos que poderían ser considerados "planetas ananos". Destes seguintes crese que teñen un diámetro maior ca 750 quilómetros en diámetro:

**Posibles planetas ananos**
Nome	Categoría	Diámetro	Masa
2005 FY9 ("Coello de Pascua")	Cubewano	1600 – 2000? km	descoñecida
Orcus	Plutoniano	840 – 1880 km	6.2 - 7.0 × 10²⁰ kg
Sedna	Obxecto disco espallado	1180–1800 km	1.7-6.1 × 10²¹ kg
"Santa"	Cubewano	~ 1500 km	~4.2 × 10²¹ kg
50000 Quaoar	Cubewano	989 - 1346? km	1.0-2.6 × 10²¹ kg
Caronte	Plutoniano	1207 km ± 3 km	(1.52±0.06)×10²¹ kg
2002 TC302	Obxecto disco espallado	≤ 1200 km	descoñecida
Varuna	Cubewano	~936 km	~5.9 × 10²⁰ kg
2002 UX25	Cubewano	~910 km	~7.9 × 10²⁰ kg
2002 TX300	Cubewano	<900 km	descoñecida
Ixión	Plutoniano	<822 km	descoñecida
2002 AW197	Cubewano	700±50 km	descoñecido

Malia o novo sistema de clasificación, mantéñense outros termos coma os de asteroide e obxecto do Cinto de Kuiper. Estas definicións baséanse na situación do corpo no sistema solar e/ou a súa composición e historia. Ceres segue a ser o asteroide mais grande e Plutón continúa a ser un obxecto do Cinto de Kuiper malia a súa clasificación coma planetas ananos.

O estado de Caronte, hoxe en día considerado un satélite de Plutón, segue a ser incerto. Isto débese a que non hai unha definición clara de que constitúe un satélite nun sistema binario coma o caso de Plutón e Caronte, que orbitan entre si arredor dun punto do espazo.

O asteroide mais grande tras Ceres, Vesta, semella semi-esférico, pois ten un lado plano, namentres que Palas e Hixiea son irregulares mais parcialmente redondeados pola gravidade, polo que poderían entrar nos novos criterios da IAU.^[2]