Мәҗит Вәлиуллин

Мәҗит Вәлиуллин
Мәҗит Вәлиуллин
Туган телдә исем	Мәҗит Әгъли улы Вәлиуллин
Туган	24 июль 1941 (83 яшь); СССР, РСФСР, ТАССР, Саба районы , Йосыф-Алан
Милләт	татар
Ватандашлыгы	СССР; РФ
Әлма-матер	Казан (Идел буе) федераль университеты
Һөнәре	укытучы, журналист
Эш бирүче	«Мәгариф» журналы
Бүләк һәм премияләре
Сайт	Мазит Валиуллин

Википедиядә Вәлиуллин фамилияле башка кешеләр турында мәкаләләр дә бар.

Мәҗит Вәлиуллин, Мәҗит Әгъли улы Вәлиуллин (1941 елның 24 июле, СССР, РСФСР, ТАССР, Саба районы, Йосыф-Алан) ― педагог, журналист, «Мәгариф» журналының баш мөхәррир урынбасары (1987 елдан), Татарстан АССР (1988) һәм Россия Федерациясенең (2003) атказанган мәдәният хезмәткәре. Каюм Насыйри исемендәге премия лауреаты (2008).

Тәрҗемәи хәле

1941 елның 24 июлендә^[1] Саба районының Юлбат авыл җирлегенә керүче^[2] Йосыф-Алан авылында туган.

Казан дәүләт педагогика институтының (2011 елдан Казан (Идел буе) федераль университетының бер өлеше булып тора) тарих мәгарифе факультетын (гомуми тарих кафедрасы) тәмамлаган (1967)^[1].

1961 елдан Казан шәһәре мәктәпләрендә тарих фәне укытучысы булып эшләгән.

1967 елдан «Яшь ленинчы» газетасында (2014 елга кадәр «Сабантуй» газетасы, 2014 елдан журналы) ^[3] әдәби хезмәткәр, 1975 елдан ― бүлек мөдире.

1977 елдан айлык иҗтимагый-педагогик һәм фәнни-методик гомумтатар журналы ^[4] «Совет мәктәбе» (1990 елдан «Мәгариф») журналында: педагогика һәм методика бүлеге мөхәррире, 1986–1987 елларда ― җаваплы сәркәтип, 1987 елдан ― баш мөхәррир урынбасары^[2].

Татар телен укыту методикасы, хезмәт укыту һәм үсеп килүче буынны тәрбияләү мәсьәләләре буенча китаплар һәм күп санлы мәкаләләр, очерклар авторы. Очерк һәм мәкаләләре «Ватаным Татарстан», «Советская Татария» газеталарында, «Азат хатын», «Ялкын» журналларында басылган. Язмаларында шулай ук Россия һәм Татарстанда мәгариф системасының үсеш юлларын, яшь буынны укыту һәм әхлак тәрбиясе бирү мәсьәләләрен яктырта^[5].

Хезмәтләре

Укучыларга хезмәт тәрбиясе бирү. Казан, 1988.
Без – Ильич оныклары (сыйныф җитәкчеләре, өлкән пионервожатыйлар, пионер активлары өчен методик кулланма). Казан: ТКН, 1990. ISBN 5-298-00323-0 ^[6]
3 нче класста татар теле дәресләре (укытучы өчен кулланма). Казан: ТКН, 1991 (автордаш)^[7].

Бүләкләре, мактаулы исемнәре

1988 ― Татарстан АССР атказанган мәдәният хезмәткәре
2003 ― Россия Федерациясенең атказанган мәдәният хезмәткәре ― мәдәният, матбугат һәм телерадиотапшырулар өлкәсендә күпьеллык нәтиҗәле эше өчен ^[8]^[9]
2005 ― «Казанның 1000 еллыгы истәлегенә» медале
2008 ― К. Насыйри исемендәге премия ^[10]

Искәрмәләр

↑ ^1,0 ^1,1 Мазит Валиуллин Вконтакте
↑ ^2,0 ^2,1 Тарихи белешмә. Юлбат авыл җирлеге, archived from the original on 2020-01-30, retrieved 2023-11-01
↑ Журнал тарихы. «Сабантуй»
↑ Журнал — «Мәгариф» журналы, archived from the original on 2023-11-01, retrieved 2023-11-01
↑ Мазит Аглиевич Валиуллин. Википедия - Новые страницы ВКонтакте
↑ Мы ― внуки Ильича. РГБ
↑ Уроки татарского языка в 3-м классе. НЭБ
↑ Валиуллин Мазит Аглиевич. Награды России, 2003-05-05
↑ Указ Президента Российской Федерации № 500 от 5.05.2003 «О награждении государственными наградами Российской Федерации»
↑ Каюм Насыйри бүләге лауреатлары. «Каюм Насыйри» сайты

Сылтамалар

Вәлиуллин Мәҗит Әгъли улы. Онлайн-энциклопедия Tatarica

[:1-1] 1,0 ^1,1 Мазит Валиуллин Вконтакте

[:0-2] 2,0 ^2,1 Тарихи белешмә. Юлбат авыл җирлеге, archived from the original on 2020-01-30, retrieved 2023-11-01

[3] Журнал тарихы. «Сабантуй»

[4] Журнал — «Мәгариф» журналы, archived from the original on 2023-11-01, retrieved 2023-11-01

[5] Мазит Аглиевич Валиуллин. Википедия - Новые страницы ВКонтакте

[6] Мы ― внуки Ильича. РГБ

[7] Уроки татарского языка в 3-м классе. НЭБ

[8] Валиуллин Мазит Аглиевич. Награды России, 2003-05-05

[9] Указ Президента Российской Федерации № 500 от 5.05.2003 «О награждении государственными наградами Российской Федерации»

[10] Каюм Насыйри бүләге лауреатлары. «Каюм Насыйри» сайты

[1]

[2]

[3]

[4]

[5]

[6]

[7]

[8]

[9]