Флера Хөрмәтова

Флёра Хөрмәтова
Төп мәгълүмат
Тулы исеме	Флера Хөрмәтова
Туу көне	1 июнь 1942(1942-06-01) (82 яшь)
Туу урыны	ТАССР Әгерҗе районы Мукшур
Эшчәнлек еллары	—
Дәүләт	РСФСР РСФСР→ ССРБ ССРБ→ Россия Россия
Һөнәрләр	баянчы, оркестр җитәкчесе
Кораллар	баян
Жанрлар	җыр
Коллективлар	халык уен кораллары оркестры «Җәүһәр» ансамбле
Хезмәттәшлек	«Энергетик» мәдәният сарае (Яр Чаллы)
Милләт	татар

Флёра Хөрмәтова (1942 елның 1 июне, Татарстан АССР, Әгерҗе районы, Мукшур) — баянчы, «Энергетик» мәдәният сараеның (Яр Чаллы) халык уен кораллары оркестры җитәкчесе, Татарстанның атазанган мәдәният хезмәткәре.

1942 елның 1 июнендә Татарстан АССРның Әгерҗе районы Мукшур авылында күп балалы гаиләдә, җиденче, төпчек бала буларак, туып үсә. Мәктәпне тәмамлагач, Лениногорск музыка педагогия укуханәсенең хор-дирижерлык бүлегенә укырга керә. Укып бетергәч, Мәжгә шәһәрендәге музыка мәктәбенә эшкә җибәрелә. 1974 елны Казан дәүләт мәдәният институтының халык уен кораллары оркестры бүлеген (педагог Әнвәр Әминов) тәмамлап, Яр Чаллы шәһәре «Энергетик» мәдәният сараена эшкә кайта. 20 ел Халык уен кораллары оркестрын җитәкли. 1979 елда ул җитәкләгән оркестрга «Халык орестры» исеме бирелә. Шәһәр хакимияте каршында оештырылган балалар «Җәүһәр» ансамбленың сәнгать җитәкчесе була (1993-1998 еллар).
Репертуарында халык көйләре, татар композиторларының әсәрләре. Көйләрне үзе эшкәртә, оркестрына яраклаштыра.

• Фәйзулла Туишев исемендәге гармунчылар конкурсы лауреаты
• Татарстанның атказанган мәдәният хезмәткәре

1. Татар баянчылары (төзүчеләре Нияз Акмал, Кирам Сатиев). Казан: «Мәгариф», 1996. ISBN 5-7761-0446-7