Liga Santa (1571)
  | |
| Dati | |
|---|---|
| Sorte | liansa miłitare coałision miłitare multinasionałe |
| Istòria | |
| Creasion | 25 de majo del 1571 |
| Desołusion | 7 de marso del 1573 |
| Formà da | |
La tersa Liga Santa ła zera stada promovesta inte el 1571 da papa Pio V dopo del sachejo de Nicozia, sità de l'ìzoła de Cipro, da parte dei otomani. El Papa el ghea mobiłità i sovrani cristiani in defeza de Famagosta, altra sitadina cipriota, asediada dai turchi.
Le nasion che łe ghea respondesto a ła ciamada łe zera stae ła Repùblega de Venèsia e ła Spagna de Fiłipo II. De sevente łe se ghea zontà i Cavałieri de Malta, Zènoa, Firense e el Dogado de Savoja.
Ła liansa dei prìnsipi cristiani ła zera stada ratificada a Roma, soto ła prezensa del Papa, inte el 25 de majo 1571. I stati adezionadori i ghea dazesto 200 gałee in totałe par el primo dì de apriłe de ogni ano, e i costi i ze stai sostegnesti par metà da ła Spagna, par un terso da Venèsia e par un sesto da Roma. La costitusion efetiva de ła flota ła ze sta longa e laborjoza. Ałarmà par el retardo, a Pio V ghe ghea tocà inponer tuta ła so autorità ai prìnsipi eoropei e menasarli de scomùnega se no i fuse partii par el mare.
Famagosta ła zera cascà inte el 4 de agosto 1571, mentre che ła flota mandada in so socorso ła zera oncora in viajo: el gaveva pena suparà l'ìzoła de Corfù. L'aviłimento del Papa el ze sta grando, l'isteso Pio V no el ghea sbandonà el so prozeto de inbastie na forsa navałe bona de respìnzare ła menasa turca. I so emisari inte łe corte eoropee i ghea continuà ła so òpara de persuazion, sia prometindo indulzenze sia menasando castighi divini. La flota ła zera stada recostituia e a ła so guida el zera sta nomenà comandante Joani de Austria, fioło naturałe de Carlo V e fradełastro de Fiłipo II.
El 7 de otobre 1571 ła Liga ła ghea sbarajà ła flota turca inte ła bataja de Lepanto, arente de ła costa de l'omònema sitadina grega. La Liga ła ze sta desolvesta co ła firma del tratà de paze inte el 1573.
Notasion
Altri projeti
Wikimedia Commons el detien imàjini o altri file so Liga Santa (1571)
el detien schemi gràfeghi so
Linganbi foresti
- (EN) Holy LeagueEnçiclopedia Britannica, Encyclopædia Britannica, Inc.
| Controło de autorità | VIAF (EN) 316414548 · LCCN (EN) sh85035171 · BAV ADV12355504 · WorldCat Identities (EN) 316414548 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
