Majolera
La majolera (o malga) la ze al conplesso costituì da la casera, dal staol o da la pendana, dal casel, eventualmente da qualche costrusion secondaria (fontana, posa) e dal teren destinà a pascol, al tut destinà a un uso limità a la stajon estiva e ubicà 'te na zona de montagna (de solito intrà i 600 e i 2700 m s.l.m.). Le majolere le é tipiche del nord Italia.
Atività
Sta unità produtiva la scominsia la so produsion al inìsio de la istà, quando che al vacher al to sù le vache dei contadin de la val par portarle in montagna. Serte olte al fondo al gnen segà una o doi olte prim de pascolarlo, e sto laoro al ciapa al nome de "cargar montagna".
I vacher i mols le vache a la matina bonora e a la sera, i le assa pascolar de dì e i le manda te el staol o te la pendana de not. Par beararle i dopera na fontana o na posa. La lat moldesta i la mete in fresca te el casel in modo che no la vae agra e che gnene par sora la pana.
Da la laorasion de la lat se fa formai, botiro e poina. Al lapin al gnea beest in minima part dal vacher (al fa ndar al cesso), e par la gran part al ghe gnea dat insieme del scòlo a i vedei.
A la fin de la stajon i vacher i torna a portar le vache a val ("desmontegada") in ocasion de la qual gnen fat na festa.
Resta anca da dir che mandar a past de vache o le sede al permet de concimar al teren in modo da jutar eventuai piante da fruto, utili par al on e anca par i osei, ma la funsion pì inportante la ze quela de magnar l'erba, in modo da garantir an rinovament de la vegetasion evitando cossì che gnene avanti la lespa e limitando al ris-cio de incendi.
Dal secondo dopoguera
La realtà de la majolera te el secondo dopoguera la ga cognossest an periodo de crisi par mancansa de redito e de vacher, e par an disintaresse general verso i formai che no ze de lat pastorizada e che no i ga senpre al isteso gusto.
De i ultimi ani ze partì an descorso de contributi par la valorizasion de le majolere che al ga portà a un rimodernament de le struture e dei machinari doperadi par far formai.
Al Parco Nazionale Dolomiti Bellunesi par esenpio al ga organizà tut an troi temàtego che al mete in comunicasion quasi tute le majolere e le laterie aonde che gnen fat formai particolari, ciamà apunto "la strada dei formaggi".
Altri projeti
Wikimedia Commons el detien imàjini o altri file so Malga
el detien schemi gràfeghi so
Liganbi foresti
| Controło de autorità | LCCN (EN) sh2004007073 · GND (DE) 4001312-1 |
|---|
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
