Марыя Ласкарына

Марыя Ласкарына
каралева-кансорт[d] (Каралеўства Венгрыя) 1235 — 1270
Папярэднік	Беатрыса д'Эстэ[d]
Пераемнік	Лізавета Куманская[d]
Нараджэнне	каля 1206 Нікея[d], Ізнік, Нікейская імперыя
Смерць	24 чэрвеня 1270 ці 16 ліпеня 1270 Эстэргам, Эстэргамскі яраш[d], Эстэргам[d], Каралеўства Венгрыя
Месца пахавання	Эстэргам
Род	Ласкарысы[d]
Бацька	Феадор I Ласкарыс[d]
Маці	Ганна Ангеліна
Муж	Бела IV[1]
Дзеці	Кунігунда Венгерская[2], Ганна Венгерская[d][2], Іяланта Польская[d], Лізавета Венгерская[d], Іштван V, Маргарыта Венгерская, Канстанцыя[d] і Бела[d][2]
Медыяфайлы на Вікісховішчы

Марыя Ласкарына (* 1206, Нікея, цяпер Ізнік, глей Бурса, Турцыя — 24 чэрвеня ці 16 ліпеня 1270, Эстэргам, Венгрыя) — нікейская прынцэса і венгерская каралева, жонка Белы IV.

Марыя Ласкарына была дачкой імператара Нікейскай імперыі ў 1204—1221 гадах Феадора I Ласкарыса і яго жонкі Ганны Ангеліны (дачкі візантыйскага ўзурпатара Аляксея III Ангела). Унучка імператара Візантыі Аляксея III Ангела. Старэйшая сястра Ірыны Ласкарына, муж якой Іаан III Дука Ватац атрымаў у спадчыну нікейскі прастол.

У 1218 годзе з мэтай замацавання венгерска-візантыйскага саюза адбыўся шлюб Марыі Ласкарыны з каралевічам Белай. Тым часам маладым было па 12 гадоў.

У кастрычніку 1235 адбылася каранацыя Белы IV і Марыі, якія разым пражылі 35 гадоў. Бела IV памёр 26 мая 1270. Марыя Ласкарына перажыла мужа на два месяца. Пахавана ў касцёле дамініканак, пабудаваным для яе дачкой Святой Маргарытай Венгерскай.

У шлюбе з Белай IV мела 10 дзяцей:

1. Святая Кунегунда (Кінга) — жонка князя Польшчы Баляслава V Сарамлівага, якая пасля яго смерці стала манашкай і абатысай (кананізавана ў 1999);
2. Святая Маргарыта Венгерская — з дзяцінства прызначаная для манаскага жыцця (кананізавана ў 1943).
3. Ганна Венгерская — жонка князя галіцкага і чарнігаўскага Расціслава Міхайлавіча
4. Каталіна († 1242)
5. Маргарыта († 1242)
6. Елізавета (1236—1271) — жонка князя Ніжняй Баварыі Генрыха ХІІІ
7. Канстанцыя — жонка галіцка-валынскага караля Льва;
8. Блажэнная Іаланда (Іалента, Алена) — жонка вялікапольскага герцага Баляслава Набожнага, якая пасля яго смерці таксама стала манашкай-кларысай, а затым і ігуменняй манастыра (беатыфікавана ў 1827);
9. Іштван (Стэфан) — пераемнік свайго бацькі;
10. Бела (1243—1269)

З 10 дзяцей караля Белы IV і Марыі дзве дачкі прылічаны да ліку каталіцкіх святых і адна — да ліку блажэнных.

• На Вікісховішчы ёсць медыяфайлы па тэме Марыя Ласкарына
• Maria Lascarina, Queen Consort of Hungary (1206 - 1270
• Старонка Марыі Ласкарыны на вэб-фондзе сярэднявечнай генеалогіі
• Фонд сярэднявечнай генеалогіі / Венгрыя Генеалогія каралёў