పార్వతీపురం

పార్వతీపురం
పట్టణం
పార్వతీపురం ప్రధాన రహదారి
పార్వతీపురం ఆంధ్రప్రధేశ్ పటంలో పార్వతీపురం స్థానం
Coordinates: 18°46′48″N 83°25′30″E / 18.78°N 83.425°E / 18.78; 83.425
Country	భారతదేశం
రాష్ట్రం	ఆంధ్రప్రదేశ్
జిల్లా	పార్వతీపురం మన్యం
Government
• Type	పురపాలక సంఘం
• Body	పార్వతీపురం పురపాలకసంఘం, బొబ్బిలి అర్బన్‌ డెవలప్‌మెంట్‌ అథారిటీ (BUDA)
• శాసన సభ్యుడు	Alajangi Jogarao
విస్తీర్ణం [1]
• Total	7.24 కి.మీ2 (2.80 చ. మై)
జనాభా  (2011)[2]
• Total	53,844
• జనసాంద్రత	7,400/కి.మీ2 (19,000/చ. మై.)
భాష
• అధికారక	తెలుగు
Time zone	UTC+5:30 (IST)
పిన్‌కోడ్	535 501
ప్రాంతీయ ఫోన్‌కోడ్	91–8963
వాహనాల నమోదు కోడ్	AP35 (Former) AP39 (from 30 January 2019)[3]

పార్వతీపురం, (వినండి: // ( listen)), ఆంధ్రప్రదేశ్ రాష్ట్రంలోని పార్వతీపురం మన్యం జిల్లాకు చెందిన పట్టణం, జిల్లా కేంద్రం.

రాష్ట్ర రాజధాని అమరావతి నుండి ఈశాన్యంగా 523 కి.మీ, సమీప నగరమైన విజయనగరానికి ఉత్తరంగా 87 కి.మీ దూరంలోవుంది.

2011 జనగణన ప్రకారం, పట్టణ జనాభా 53,844.

పార్వతీపురం పురపాలక సంఘం పట్టణ పరిపాలన నిర్వహిస్తుంది.

జాతీయ రహదారి 16 పై గల శ్రీకాకుళం నుండి ఈ ఊరికి రహదారి ఉంది. టాటానగర్-జార్సుగూడ-విజయనగరం, విజయనగరం-రాయ్ పూర్ లైన్‌లో పార్వతీపురం ఉంది. పార్వతీపురం రైల్వే స్టేషన్, పార్వతీపురం టౌన్ రైల్వే స్టేషన్ అనే రెండు స్టేషన్లున్నాయి. సమీప విమానాశ్రయం 150 కి.మీ దూరంలో గల విశాఖపట్నం అంతర్జాతీయ విమానాశ్రయం.

• కాశీవిశ్వనాథ దేవాలయం, అడ్డపుసిల: 5 కి.మీ దూరంలోగల చారిత్రక ఆలయం, దగ్గర్లోనే ప్రసిధ్ధమైన "గుంప" గ్రామంలో నాగావళి నది ఒడ్డున 'సోమేశ్వరుని'క్షేత్రం ఉంది. ప్రతి సంవత్సరం మహాశివరాత్రికి భక్తులు ఈ ఆలయానికి పోటెత్తురారు
• శ్రీ వేంకటేశ్వరస్వామి దేవాలయం, తోటపల్లి: చిన్న తిరుపతిగా పేరొందినది.
• సెయింట్ పాల్ లూథరన్ చర్చ్, బెలగాం: 1888లో నిర్మించబడింది.
• కేథలిక్ చర్చి,పార్వతీపురం.

• ఝంజావతి రబ్బరు ఆనకట్ట: 15 కి.మీ దూరంలో ఉంది. జలయజ్ఞంలో భాగంగా 2006 లో నిర్మించబడింది
• తోటపల్లి జలాశయం:నాగావళి నదిపై 2015 లో నిర్మించబడింది.

• ఉప్మాక నారాయణమూర్తి - (1896 -1962) సాహితీ వేత్త, ప్రఖ్యాతి పొందిన న్యాయవాది.
• ఎస్.వి.జోగారావుగా - ప్రఖ్యాత నఖచిత్రకారునిగా ప్రసిద్ధిగాంచిన శ్రీ శిష్ట్లా వెంకట జోగారావు (1928 - 1992) సాహితీవేత్త, బహుముఖ కళా శిల్పి పార్వతీపురంలోనే జన్మించారు
• గణేష్ పాత్రోగా - ప్రసిధ్ధి చెందిన సినీ మాటల రచయిత తమ సమకాలికులైన ఓలేటి బుచ్చిబాబు, దోమాన సూర్యనారాయాణ, డొంకాడ సత్యానందం మొదలగు వారితో చాలా నాటికలను ప్రదర్శించాడు. ఇందులో పావలా, కొడుకు పుట్టాల మొదలగు నాటికలు విశేష ప్రాచుర్యం పొందినవి

శ్రీ పి.వి.బి.శ్రీరామమూర్తి గారు, తెలుగు పండితునిగా ఇక్కడి మిషనరీ హైస్కూల్లో ఉద్యోగ జీవితం ప్రారంభించి ఇక్కడే పదవీ విరమణ చేశారు.వీరు కూడా తెలుగు సాహిత్యంపై ఎనలేని క్రృషి చేసి ఎన్నో కథలు, వ్యాసాలు, నవలలు రచించారు. పంతుల సీతాపతిరావు మాస్టారు అంటే తెలియనివారుండరు. ఈయన కూడా మిషనరీ స్కూల్లోనే భౌతిక, రసాయన శాస్త్రాలు బోధించే మాస్టారుగా ఉద్యోగ జీవితం ప్రారంభించి పదవీవిరమణ చేశారు. వీరు భౌతిక, రసాయనశాస్త్రాలలో నిష్ణాతులు. వీరికి ఆంగ్లము, తెలుగు భాషలపైన మంచి పట్టు ఉండడమే కాకుండా రచనా వ్యాసంగం ఆయా భాషలలో కొనసాగించారు.

• వేపా కృష్ణమూర్తి
• గొబ్బూరి వెంకటానంద రాఘవరావు
• పంతుల జోగారావు
• బెలగాం భీమేశ్వరరావు - బాల సాహితీ వేత్త, కేంద్ర సాహిత్య అకాడమీ బాల సాహిత్య పురస్కార గ్రహీత
• బెహరా ఉమా మహేశ్వరరావు. బాల సాహితీ వేత్త, 2006 కేంద్ర ప్రభుత్వ ఉత్తమ ఉపాద్యాయ అవార్డు గ్రహీత. 1979 నుంచి బాలల కోసం వేల కొలది కవితలు, కథలు, నవలలు వ్రాసి బాల సాహిత్యం కోసం కృషి చేస్తూ వున్నారు.

• [[పార్వతీపురం లోక్‌సభ నియోజకవర్గంగా ఉండి తరువాత అరకు పార్లమెంట్ నియోజకవర్గంలో ఒక సెగ్మెంట్ గా కలిసిపోయింది. మన మాజీ రాష్ట్రపతి అయిన డాక్టర్ శ్రీ వరాహగిరి వెంకటగిరి గారు (శ్రీ వి.వి.గిరి గారు) ఒకప్పుడు ఎమ్.పి.గా పోటీచేసి ఓడిపోయిన నియోజకవర్గమే ఈ పార్వతీపురం లోక్ సభ నియోజకవర్గం.]]
• పార్వతీపురం శాసనసభా నియోజకవర్గం

వికీమీడియా కామన్స్‌లో Parvathipuramకి సంబంధించి దస్త్రాలు ఉన్నాయి.