|
Майкл Фішэр
Майкл Эліс Фішэр (англ.: Michael Ellis Fisher; 3 верасня 1931, Фізабад, Сіпарыя — 26 лістапада 2021) — брытанскі фізік, хімік і матэматык, вядомы дзякуючы свайму ўкладу ў статыстычную фізіку. Член Лонданскага каралеўскага таварыства (1971) і шэрагу іншых навуковых таварыстваў. Лаўрэат мноства ўзнагарод, у тым ліку прэміі Вольфа па фізіцы (1980), медаля Больцмана (1983) і Каралеўскага медаля (2005). БіяграфіяНарадзіўся на Трынідадзе, Вест-Індыя. Скончыў са ступенню бакалаўра па фізіцы з адзнакай Каралеўскі каледж Лонданскага ўніверсітэта (цяпер Каралеўскі каледж Лондана), дзе вучыўся ў 1948—1951 гадах. Ступень доктара філасофіі па фізіцы атрымаў там жа ў 1957 годзе, займаўшыся дзеля гэтага там на працягу 1953—1956 гадоў. У 1958—1964 гадах выкладаў там жа. У 1981 годзе — фэла альма-матэр, да таго часу ўжо Каралеўскага каледжа Лондана. У 1963—64 гг. у Ракфелераўскім універсітэце ў Нью-Ёрку. У 1966—1989 гадах прафесар Карнельскага ўніверсітэта, у 1975—1978 гадах загадчык яго кафедры хіміі. З 1987 года прафесар Мэрылендскага ўніверсітэта ў Каледж-Парку, на пачатак 2015 года яго Заслужаны ўніверсітэцкі прафесар-эмер, рэгент- і даследчы прафесар. Член Амерыканскай асацыяцыі садзейнічання развіццю навукі. Падпісаў «Папярэджанне навукоўцаў чалавецтву» (1992). У 1971 годзе быў абраны членам Лонданскага каралеўскага таварыства, у 1993—1995 гадах займаў пасаду яго віцэ-прэзідэнта. Крыніцы
|
||||||||||||||||||||||||||||||||||||||
.svg){kind=small}
