Alexander Gode
| Alexander Gode | |
|---|---|
| Bizitza | |
| Jaiotza | Bremen, 1906ko urriaren 30a |
| Herrialdea |  Alemaniar Inperioa  Ameriketako Estatu Batuak |
| Heriotza | Mount Kisco, 1970eko abuztuaren 10a (63 urte) |
| Hezkuntza | |
| Heziketa | Columbia Unibertsitatea Vienako Unibertsitatea Sorbonne Parisko Unibertsitatea |
| Hizkuntzak | Interlingua |
| Jarduerak | |
| Jarduerak | hizkuntzalaria, itzultzailea eta idazlea |
| Enplegatzailea(k) | Columbia Unibertsitatea Chicagoko Unibertsitatea |
Alexander Gottfried Friedrich Gode-von-Aesch, Ph.D. (1906ko urriaren 30a - 1970eko abuztuaren 10a), Interlinguaren bultzatzaile nagusia, jatorriz alemaniarra zen aitaren aldetik, Bremen hiri hanseatarrekoa, eta suitzarra amaren aldetik, Von Aesch familia burges zahar batekoa, Bernatik hurbil dagoen herri batekoa. Alexander Gode 1970eko abuztuaren 10ean hil zen, 63 urte zituela.
Bizitza profesionala
Hizkuntza erromanikoak eta alemana irakatsi zituen Columbia eta Chicagoko unibertsitateetan eta interlinguaren alde jardun zuen 1934tik. IALAko azken ikerketa-zuzendaria izan zen 1946ra arte, Interlingua-English Dictionary (1951) hiztegiaren editorea eta Interlingua Grammar (Hugh E. Blairekin batera, 1951) liburuaren egilekidea. Godek Storm Publishers argitaletxea sortu zuen 1946an eta berak kudeatu zuen. Ondoren, Science Service-ko Interlingua Division-eko burua izan zen (1953-1967).
Erreferentziazko liburuak editatu zituen 1943—1946 artean eta E. Clark Stillmanekin batera Spanish at Sight, French at Sight eta Portuguese at Sight serieak argitaratu zituen. Ehunka artikulu eta liburu batzuk itzuli zituen hainbat hizkuntzatatik ingelesera. 1941ean Natural Science in German Romanticism lanaren 300 orrialde editatu zituen. Gode Interlinguan eta alemanezko argitalpen ugariren egilea izan zen. Bere azken urteetan testu zientifikoak itzuli zituen bere Interlingua Translations enpresan. Gainera, Interlingua a prime vista lanaren egilekidea izan zen, ...at Sight seriean oinarrituta.
Union Mundial pro Interlingua
1955etik 1970ean hil zen arte, Union Mundial pro Interlinguako lehen presidentea izan zen.
Sariak
Besteak beste, American Medical Writers' Association-en Harald Swanberg Distinguished Service Award saria jaso zuen, aldizkari medikuetan egindako ekarpen bikainengatik eta interlinguan egindako laburpenengatik; Fédération Internationale des Traducteurs-ek ere saritu zuen argitalpen zientifikoak itzultzeagatik eta itzultzaile lanbidearen alde egindako lanagatik. Itzultzaileen Amerikar Elkartearen (1960—1963) sortzailekide eta lehen presidentea izan zen. Bere ohoretan, erakunde honek urtero Alexander Gode Domina ematen du "itzulpengintza lanbidearen aldeko zerbitzu bikainengatik".[1]
Erreferentziak
- ↑ Alexander Gode Medal Itzultzaileen Amerikar Elkartearen webgunea
Kanpo estekak
| Autoritate kontrola |
|
|---|
Datuak: Q22761
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
