Крушица (Светиниколско)

Крушица
Крушица Местоположба на Крушица во Македонија Крушица на карта
Координати 41°54′55″N 21°49′25″E / 41.91528°N 21.82361°E / 41.91528; 21.82361
Регион	Вардарски
Општина	Свети Николе
Област	Овче Поле
Население	5 жит. (поп. 2021)[1]
Шифра на КО	24018
Надм. вис.	607 м
Крушица на општинската карта Атарот на Крушица во рамките на општината
Крушица на Ризницата

Крушица — село во Општина Свети Николе, во областа Овче Поле во околината на градот Свети Николе.

Во XIX век, селото е дел од нахијата Чаирско Поле (Блатија) во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото е заведено под името Крушниче и било христијанско, каде имало 21 христијански домаќинства. На овој попис биле забележани 80 мажи христијани, со 9 новороденчиња. Се проценува дека селото во тој период имало 178 жители.^[2]

Според статистиката на бугарскиот етнограф Васил К’нчов (Македонија, Етнографија и статистика) од 1900 година, селото Крушица имало 230 жители, сите Македонци.^[3] Според секретарот на егзархијата Димитар Мишев („La Macédoine et sa Population Chrétienne“) од 1905 година, во Крушица имало 320 Македонци, под врховенството на Бугарската егзархија.^[4]

Според пописот од 2002 година, во селото Крушица живеат 22 жители, сите Македонци.^[5]

Според пописот од 2021 година, во селото Крушица живеат 5 жители, сите Македонци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[6]; за 1905 г.: La Macédoine et sa Population Chrétienne.^[7]; за 1948-2002 г.: Државен завод за статистика на РМ.^[8]; за 2021 г.: Државен завод за статистика на РМ.^[9]

Крушица е македонско село.

Според истражувањата од 1957 година, родови во селото се:

• Доселеници: Чаршамовци (2 к.) најстар род во селото. Доселени се во втората половина на XVIII век од гостиварското село Дуф; Пичевци (10 к.) доселени се од некое село во сливот на Бабуна (Велешко); Соколовци (11 к.) доселени се од селото Буриловци. Изгледа таму биле староседелци; Дупкаровци (7 к.) доселени се од селото Макреш. Го знаат следното родословие: Трајко (жив на 83 г. во 1957 година) Дине-Китан, се доселил дедото на Китан, чие име жителите на овој род не го памтам, во Макреш најверојатно биле староседелци; Колевци (7 к.) доселени се од некое село во Кратовско; Убавелевци (2 к.) доселени се од Македонска Каменица; Коларовци (1 к.) доселени се од соседното село Алакинци. Порано овој род имал (7 к.), но се смалил поради изумирање и иселување.^[10]

Во селото постои избирачкото место бр. 1690 според Државната изборна комисија, сместени во просториите на основното училиште.^[11]

На претседателските избори во 2019 година, на ова избирачко место биле запишани вкупно 8 гласачи.^[12]

Верски објекти

• Црква „Вознесение Христово“ — главна селска црква
• Ѓуришки манастир со црквата „Рождество на Пресвета Богородица“
• Параклис „Св. Петка“
• Параклис

Археолошки наоѓалишта

• Колева Чешма — средновековна црква и некропола;
• Рид — старохристијанска црква;
• Св. Дух — осамен наод од римското време;
• Св. Спас — осамени наоди од римското време;
• Стара Црква — средновековна црква и некропола.

Македонските иселеници од Крушица воглавно се иселувале кон Скопје. Таму има иселеници од разни погоре набројани родови.^[10]

Ѓошо се иселил во Новачани кај Велес. Таму се иселил како домазет во 1920 година.^[10]

• Крушица (Светиниколско) на Ризницата

п р у Населени места во Општина Свети Николе Алакинци Амзабегово Богословец Буриловци Горно Ѓуѓанци Горно Црнилиште Горобинци Делисинци Долно Ѓуѓанци Долно Црнилиште Ерџелија Кадрифаково Кнежје Крушица Малино Мустафино Немањици Орел Павлешенци Пеширово Преод Ранченци Свети Николе Сопот Стањевци Строиманци Трстеник Раселени Арбасанци Макреш Мездра Мечкуевци Патетино Стануловци