André Schild
| André Schild | |
|---|---|
 | |
| Bizitza | |
| Jaiotza | Fontainemelon (en)  , 1910eko abuztuaren 1a |
| Herrialdea |  Suitza |
| Heriotza | Basilea, 1981eko uztailaren 13a (70 urte) |
| Hezkuntza | |
| Hizkuntzak | Interlingua esperantoa frantsesa alemana Interlinguea |
| Jarduerak | |
| Jarduerak | hizkuntzalaria, esperantista, interlinguist (en) eta Occidentalist (en) |
| Lan nabarmenak | ikusi
|
Philippe-André Schild (1910eko abuztuaren 1a - 1981eko uztailaren 13a) hizkuntzalari suitzarra izan zen, nazioarteko hizkuntza laguntzaileekin egindako lanagatik ezaguna, batez ere Interlinguarekin.
Bizitza
Schild 1910eko abuztuaren 1ean jaio zen Fontainemelonen, Suitzako Neuchâtel kantoian. 15 urte zituela, 1925ean, bere herriko esperanto-taldean sartu zen, gaztetatik hizkuntza unibertsal baten ideiak erakarrita. 1939tik 1940ra Basileako esperanto-taldeko buru izan zen; hiri horretan kokatu zen 1929an, Singer josteko makinen fabrika batean lan egiteko. Bertan lan egiten zuen bitartean, alemaneko irakasle gisa ere aritu zen eskola pribatu batean.
Esperantoak naturalismoa falta zuela ondorioztatu ondoren, mugimendua utzi eta Edgar de Wahlen Occidental hizkuntzara batu zen; 1947ra arte babestu zuen proiektu hori, urte horretan bere hizkuntza propioa proposatu baitzuen, berriro ere naturalistagoa zena. Proiektu horrek, Neolatinok, erro erromanikoen nazioartekotasuna uztartu nahi zuen, ahalik eta gramatika erregularrenari eutsiz. Hala ere, bere proiektuak arrakasta izateko aukera gutxi zuela konturatu zenean, International Auxiliary Language Association elkartearen Interlinguarekin bat egin zuen.
Horrela, Schild pertsona garrantzitsu bihurtu zen nazioarteko hizkuntzen mugimenduan: 1954an, Union Mundial pro Interlingua sortu zuen Jean Thersant sindikalista frantziarrarekin eta Donald Morewood hezitzaile britainiarrarekin batera;[1] elkarteko lehen idazkari nagusia izan zen 1955etik 1958ra. Schildek aldizkari interlinguistikoetan idatzi zuen, eta kongresuak antolatu zituen Interlinguaren aldekoentzat. Schildek ama-hizkuntza balitz bezalako mailarekin hitz egiten zuen Interlingua, eta 1960an alemana-interlingua hiztegi bat (Wörterbuch Deutsch-Interlingua) osatzen hasi zen. Lan horretan bi hamarkada baino gehiago eman zituen, eta amaitzeko orrialde gutxi batzuk falta zirela hil zen (Schild zuschanden hitzean hil zen, "lotsarazi" edo "hondatu" esan nahi duena). Schild 1981eko uztailaren 13an hil zen Basileako Unibertsitate Ospitalean, gaixotasun luze baten ondoren. Bere hiztegia hil ondoren osatu zuen Friburgoko Unibertsitateko Helmut E. Ruhrigek eta urte berean argitaratu zen. Schilden liburutegia eta artxiboak —interlinguistikarekin lotutako 400 kg material baino gehiago— La Chaux-de-Fonds-eko Centre de documentation et d'étude sur la langue internationale zentroari eman zitzaizkion dohaintzan.
Erreferentziak
- ↑ Stenström, Ingvar. (2008). Interlingua e su promotion durante 50 annos. ISBN 978-91-971940-5-1..
Kanpo estekak
Datuak: Q3895054
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.
