Горно Врачанско Езеро

Горно Врачанско Езеро
Површина	1.771 м2
Должина	59 м
Ширина	39,8 м
Обем	126 м
Длабочина	2 м
Надморска висина	2.190 м
Планина	Шар Планина

Горно Врачанско Езеро — ледничко езеро во Македонија, едно од 27. езера на Шар Планина.^[1]

Езерото се наоѓа превојот помеѓу Голема (2.582 метри) и Мала Враца (2.536 метри) на надморска височина од 2.190 метри.^[2]

Заедно со Долното Врачанско Езеро ги сочинуваат Врачанските Езера. Се наоѓа на превојот помеѓу врвовите Голема и Мала Враца, веднаш на самото подножје под стрмната северна падина на Мала Враца. Ова езеро било безимено, но Душко Кривокапиќ го нарекол Горно, бидејќи се наоѓа на поголема надморска висина од Долното.^[3]

Се наоѓа на 2.182 метри надморска висина. Езерото лежи во длабодолинка на североисточната страна на Белокаменскиот Гребен.^[4] Басенот му е тркалест и карпест, со пречник од 40 метри. И покрај тоа што не е големо езерото има длабочина од околу 2 метри.^[5] Поточно, Горното Врачанско Езеро зафаќа површина од 1256 м² со должина и широчина од 40 метри, 126 метри должина на брегот и најголема длабочина од 2,10 метри.^[6] Се одликува со голема бистрина на водата, која поради карпестата околина на езерото погледнато од повисоко на изглед често му дава сребрено сива боја, поради што за туристичко-промотивни цели тоа може да се именува и како Сребрено Езеро. Неговото дно на северниот тревнат брег е тињесто, додека на западниот карпест брег дното е каменесто, подлабоко и со побистра вода. Длабочината нагло се зголемува под високите карпи над западниот брег. Веднаш под самото езеро постои помало езерце со камено дно кое што е непосредно поврзано со директна истека на водата. Самото езеро е воедно и извор од кој истекува шарскиот поток наречен Тиха Вода кој протеку во долот помеѓу гребените на врвовите Голема и Мала Враца, го исполнува Долното Врачанско Езеро и како лева изворишна челенка се влева во реката Маздрача. Веднаш над самиот западен брег на езерото, на помалку од педесетина метри минува линијата на државната граница.

Пред прогласувањето на новиот национален парк „Шар Планина“, во извршената студија за валоризација на паркот се дадени мерењата дека езерото има површина од 1.771 м², длабоко е 2 метри, долго е 59 метри, а широко е 39,8 метри.^[2]

• Долно Врачанско Езеро

• Снимка од Горното Врачанско „Сребрено“ Езеро во серијалот „Уживај во Македонија“

п р у Шар Планина Врвови Титов Врв  (2.747) • Бакардан  (2.704) • Мал Турчин  (2.702) • Бориславец  (2.675) • Рудока  (2.658) • Пескови  (2.651) • Чаушица  (2.620) • Џинибег  (2.610) • Трпезница  (2.599) • Црн Врв  (2.585) • Голема Враца  (2.582) • Езерска Чука   (2.582)  • Езерски  (2.580) • Казани  (2.567) • Вртоп  (2.555) • Челепински Врв  (2.554) • Бистрица  (2.540) • Мала Враца  (2.536)  • Баба Асаница (2.533)  • Син Врв  (2.531) • Кобилица  (2.528) • Церипашина  (2.525) • Пирибег  (2.524) • Шилиџе  (2.502) • Љуботен  (2.498)  • Скакало  (2.494) • Залина  (2.493) • Маја  (2.492)  • Ливадица  (2.491) • Бриња Шахит  (2.480) • Бури Шереметица  (2.476) • Среден Камен  (2.456) • Куќиногледски Врв  (2.452) • Плоча  (2.450) • Караникола  (2.409)  • Плат  (2.398) • Расенгул  (2.383) • Доброшки  (2.370) • Шереметица  (2.342) • Црн Камен  (2.320) • Лера  (2.197) • Јелачки Црн Врв  (1.890) Езера Боговињско • Големо • Мало • Караниколичко • Мал Ѓол • Црн Ѓол • Скакаличко • Големо Јажинско • Мало Јажинско • Ливадичко • Горно Доброшко • Долно Доброшко • Кривошијско • Бело • Црно • Челепински • Гиноводно • Шутманско • Горно Врачанско • Долно Врачанско • Дефско • Големо Деделбешко • Мало Деделбешко • Горно Блатешко • Долно Блатешко • Црн Вир • Венечно Езеро • Шарски локви (Бозовачко Eзеро)  • Други (Мало Црно Езеро) Реки Беловишка • Бистрица • Боговињска • Вардар • Вруточка • Врапчишка • Вратничка Река • Габровица • Голема • Дебрешка • Езерска • Јажинска  • Јеловјанска • Камењанска • Кривошијска (Кривошијски Водопад)  • Лешничка • Лешочка • Љубинска • Маздрача • Одранска • Пена • Петроштица • Плавска • Поника • Поројска • Растеличка • Речичка • Свињска • Слапска (Смрека)  • Темишница • Улеваричка • Шарштица Долини Лешница  • Крива Шија  • Три Воде Седла Царево Гумно  (2.319) Туризам Попова Шапка • Бањиче • Шарпланински куп • Лешок • Шарска убавица  • Планинарски дом „Смрека“  • Планинарски дом „Љуботен“  • Западна македонска трансферзала  • Шарски Води (велосипедизам) Градови Тетово • Гостивар Друго Во книжевноста • „Распукала Шар Планина“ • Шарпланинец • Сиринички Ледник • ХМС „Радиовце - Бистрица“ • Шарски хидроцентрали • ПК Љуботен