Вераніка Валер’еўна Цапкала

Вераніка Валер’еўна Цапкала
Род дзейнасці	палітык, кіраўнік
Дата нараджэння	7 верасня 1976(1976-09-07) (48 гадоў)
Месца нараджэння	Магілёў, Магілёўская вобласць, БССР, СССР
Грамадзянства	Беларусь
Маці	Яўгенія Шасцерыкова
Муж	Валерый Цапкала
Дзеці	Пётр, Андрэй
Месца працы	Microsoft
Альма-матар	факультэт міжнародных адносін БДУ (1998) Беларускі дзяржаўны эканамічны ўніверсітэт (2006) БДУ (1998)[1]
Член у	Нацыянальны савет аб'яднаных дэмакратычных сіл Беларусі[d]
Узнагароды і прэміі	прэмія імя Сахарава
Медыяфайлы на Вікісховішчы

Вераніка Валер’еўна Цапкала (нар. 7 верасня 1976) — беларуская грамадская актывістка, палітык, набыла вядомасць падчас прэзідэнцкіх выбараў у 2020 годзе.

Нарадзілася 7 верасня 1976 года ў Магілёве. Маці — Яўгенія Шасцерыкова, сястра — Наталля Леанюк, дзед — пісьменнік Пётр Шасцерыкоў^[2], муж — Валерый Цапкала.

Скончыла факультэт міжнародных адносін БДУ, вучылася ў Вышэйшай школе кіравання і бізнесу БДЭУ, таксама вывучала пытанні бізнес-менеджменту ў Нацыянальным інстытуце мікра-, малога і сярэдняга бізнесу ў Хайдарабадзе (Індыя). Працавала ў кампаніі velcom (А1), цяпер працуе старшым менеджэрам па развіцці бізнесу ў краінах СНД і Чорнага мора ў кампаніі Microsoft.

На фоне рэпрэсій, якія адбываліся пасля прэзідэнцкіх выбараў у Беларусі (2020), з мужам і дзецьмі пакінула Беларусь; пад канец года сям’я пераехала ў Латвію.

У 2024 годзе беларускія ўлады завочна прыгаварылі Вераніку Цапкала да 12 гадоў пазбаўлення волі і штрафу^[3].

Брала актыўны ўдзел у прэзідэнцкай кампаніі 2020 года: спачатку разам з супругам — Валерам Цапкалам — падчас паездак па гарадах Беларусі, збору подпісаў, а пасля адмовы ў рэгістрацыі Валеру Цапкалу ўзначаліла штаб былога прэтэндэнта ў кандыдаты.

16 ліпеня 2020 года адбылося аб’яднанне штабоў^[4] Святланы Ціханоўскай, Віктара Бабарыкі і Валера Цапкалы. «Трыумвірат» ці «тры грацыі» — трыа, якое атрымалася ў выніку аб’яднання штабоў — Святлана Ціханоўская, Марыя Калеснікава, Вераніка Цапкала — разам зрабілі вялікі тур па краіне, дзе іх сустракалі тысячы жыхароў: Дзяржынск (некалькі сотняў), Мінск (больш за 7 тысяч ), Барысаў (больш за тысячу), Глыбокае (каля тысячы), Наваполацк (каля 3 тысяч), Віцебск (каля 8 тысяч), Орша (больш за тысячу), Магілёў (каля 4 тысяч), Бабруйск (каля 6 тысяч), Жлобін (больш за тысячу), Рэчыца (каля тысячы), Гомель (каля 10 тысяч), Мінск (каля 60 тысяч), Смаргонь (некалькі сотняў), Маладзечна (каля 3 тысяч), Ліда (каля 2 тысяч), Гродна (7–10 тысяч), Ваўкавыск (каля 3 тысяч), Слонім (каля 2 тысяч), Баранавічы (каля 7 тысяч), Брэст (каля 18 тысяч). Таксама планаваліся агітацыйныя сустрэчы ў Бярозе, Слуцку і Салігорску, але з-за рызыкі правакацый і іншых незалежных ад аб’яднанага штаба прычын яны не адбыліся.

Галоўныя тэзісы паводле выступаў:

• Правядзенне сумленных выбараў у Беларусі
• Вызваленне палітвязняў
• Бяспека дзяцей
• Эміграцыя моладзі
• Належны ўзровень пенсіі

• Муж — Валерый Вільямавіч Цапкала, беларускі палітык і дыпламат.
• Мае двух сыноў, Пятра і Андрэя.

• Прэмія імя Сахарава (2020)
• Прэмія імя Марціна Лютэра «Бясстрашнае слова» (2020)^[5]
• Прэмія імя Льва Копелева  (ням.) (бел. за мір і правы чалавека (2021)^[6]
• Прэмія імя Фрытца Цзокліча  (польск.) (бел. (2021)^[7]
• Міжнародная прэмія імя Карла Вялікага (2021)^[8]

• Вероника Цепкало с семьей уже полгода живет в Риге. Узнали, чем она занимается сейчас и где учатся дети (руск.)